2019/03/25
Америк доллар
МОНГОЛ БАНК:
2,630.86₮
B30
УЛААНБААТАР
|
-8°
B30
УЛААНБААТАР
|
-6°
B30
УЛААНБААТАР
-1°
|
-11°
01:00
S31
-11°
02:00
S31
-8°
03:00
S31
-6°
04:00
S31
-6°
05:00
S31
-6°
06:00
S31
-6°
07:00
S32
-6°
08:00
S32
-5°
09:00
S32
-3°
10:00
S32
11:00
S32
12:00
S32
Энэ мэдээ хуучирсан буюу 2019/01/08 -нд нийтлэгдсэн мэдээ болно.

"Гуравдугаар сарын 1-нээс "10-ын" уут болон цэнхэр, улаан судалтай уутны хэрэглээг хориглоно"

Г.Номин, iKon.mn
2019 оны 1 сарын 8
iKon.MN

2018 оны зургаадугаар сард Засгийн газраас нийлэг уутны хэрэглээг хязгаарлах шийдвэр гаргасан. Уг шийдвэр гуравдугаар сараас хэрэгжих гэж байна.

Уг шийдвэр яг ямар уутанд хамаарах, хэрэгжилтийн явцад юунд анхаарахыг БОАЖЯ-ны Ногоон хөгжил бодлого, төлөвлөлтийн газрын дарга Т.Булганаас тодрууллаа.

 

Тэрбээр "Засгийн газрын шийдвэрийн дагуу 0.035 мм буюу 35 микроноос нимгэн нэг удаагийн хэрэглээний нийлэг уутыг гуравдугаар сарын 1-нээс хэрэглэхгүй. Эхний ээлжинд зах худалдааны төвүүдэд хэрэглэж,  иргэдэд үнэ төлбөргүй хүнс бараа савлаж өгдөг уутнууд буюу бидний нэрлэж заншсанаар 10-ын уут, цэнхэр, улаан судалтай уутны хэрэглээг хориглоно.

 
Хог хаягдлын бүтцийг судлаад үзэхээр нийт хог хаягдлын 50 орчим хувь дахин боловсруулах боломжтой  байдаг. Түүний 10 орчим хувь буюу жилд 100,000 орчим тонн пластик, нийлэг хог хаягдал байгаа.

Цааш цаашдаа үйлдвэрлэгч, импортлогч нарт хариуцлагын тогтолцоо бий болгоход чиглэсэн эко төлбөрийн хуулийн төсөл боловсруулах ажлын хэсэг гараад явж байна. Тэр хүрээнд хог хаягдлын зонхилох хувийг эзэлдэг нэг удаагийн сав баглаа боодлыг тодорхой хэмжээгээр хориглох эсвэл төлбөртэй болгох замаар хэрэглээг хумьж, дахин боловсруулах үйлдвэрлэлийг дэмжих чиглэл барьж байгаа.

Дэлхийн 100 гаруй улс ямар нэгэн байдлаар нэг удаагийн нийлэг хальсан уутны хэрэглээг хязгаарлах зохицуулалт хийгээд явж байна" хэмээн тайлбарлалаа.

x