Даага: Ж.Бат-Эрдэнэ сайдын бор даага хасагдаж, Нэргүйн Баярхүүгийн зээрд даага түрүү магнай боллоо

Б.Жаргалмаа, IKON.MN

2018 оны 7 сарын 12

iKon.MN

эрэмбэлэх: шинэ нь эхэнд хуучин нь эхэнд

14:57 2018/07/12

Энэ удаагийн хурдан дааганы уралдаанд Булган аймгийн Хутаг-Өндөр сумын Жадамбын Бат-Эрдэнийн бор даага нэг км гаруй зайд хол тасархай давхиж түрүүлсэн юм. Гэвч Ж.Бат-Эрдэнийн бор даага эрлийз хэмээн хасагдсан байна. Энэ талаар Хурдан морины комиссын салбар хорооны нарийн бичгийн дарга С.Галбадрах "Бор даага уралдаан эхлэхээс өмнө эрлийз гээд хасагдсан байсан. Гэвч тавиад явуулсан байна" гэсэн юм.

Ж.Бат-Эрдэнийн бор даага /Гэрэл зургийг MPA.mn/

Тиймээс барианд зургаад давхиж орж ирсэн даага айргийн тавд бичигдэхээр боллоо. Харин Сүхбаатар аймгийн Халзан сумын Нэргүйн Баярхүүгийн зээрд даага тод магнай торгон жолоо өргүүлж, энэ жилийн наадмын түрүү магнай болж байна.

Түрүү магнай Сүхбаатар аймгийн Халзан сумын Нэргүйн Баярхүүгийн зээрд даага

Даага: Түрүү магнай /гэрэл зургийг MPA.mn/

Аман хүзүү Сэлэнгэ аймгийн Баянгол сумын Төмөрхүрээгийн Төрмөнхийн зээрд даага

Даага: Аман хүзүү /гэрэл зургийг MPA.mn/

Айргийн гуравт Ховд аймгийн Мянгад сумын Батсуурийн Энхбаярын хээр даага

Даага: Айргийн дөрөвт /гэрэл зургийг MPA.mn/

Айргийн дөрөвт Хөвсгөл аймгийн Тариалан сумын Батбаярын хээр даага

Даага: Айргийн гуравт (164 дугаар) /гэрэл зургийг MPA.mn/

Айргийн тавд Увс аймгийн Өндөрхангай сумын харьяат Норовсамбуугийн хурдан буян

Даага: Айргийн тавд /гэрэл зургийг MPA.mn/

шандас сорьж, наадамчин олноо баясгалаа.

13:29 2018/07/12

Хурдан даагын уралдаанд шандас сорих дааганууд гарааны зурхрайд ирж байна. Тулгар төрийн 2227, Их Монгол Улс байгуулагдсаны 812, Ардын хувьсгалын 97 жилийн ой, Үндэсний их баяр наадмын хурдан даагын уралдаанд 280 даага уралдахаар бүртгүүлжээ.