Уншиж байна ...
Зураг
Зураг
ХУУЧИРСАН МЭДЭЭ: 2018/07/06-НД НИЙТЛЭГДСЭН

"Их Засаг" ОУИС блокчэйн технологийг нэвтрүүлсэн анхны Их сургууль боллоо

ikon.mn
2018 оны 7 сарын 6
iKon.MN
Зураг зураг

Их Засаг олон улсын их сургууль өнөөдөр блокчэйн технологи нэвтрүүлсэн анхны их сургууль боллоо. Их Засаг - Блокчэйн төслийн нээлтийн үйл ажиллагаа Их засаг олон улсын их сургуулийн төв байранд боллоо. 

Тус үйл ажиллагаанд УИХ-ын гишүүн, Цахим бодлогын түр хорооы дарга Н.Учрал, Их Засаг ОУИС-ийн удирдлагууд, ICT группийн гүйцэтгэх захирал Г.Лхамсүрэн, Их Засаг-Блокчэйн төслийн удирдагч н.Мөнх-Эрдэнэ нар оролцлоо. Тус төслийг ICT групптэй хамтран хэрэгжүүлэх бөгөөд ICТ групп нь блокчэйн технологийг ашиглан үнэт цаас гаргах төслийн хүрээнд Монгол Улсын Засгийн Газартай хамтран ажиллаж байгаа билээ.  

Блокчэйн технологийг нэвтрүүлснээр тус сургуулийн диплом ямар нэгэн байдлаар хуурамчаар үйлдэгдэхээс хамгаалагдахаас гадна тус сургуулийн бүртгэл, хөтөлбөр, сургалтын үйл ажиллагаа нь блокчэйн технологийг ашиглан боловсронгуй болж байгаа юм байна.

Дэлхийд Блокчэйн технологийг их сургуульд нэвтрүүлсэн 3 дахь их сургууль нь Их Засаг олон улсын их сургууль болж байгаа юм. Технологийн өндөр дэвшил, ухаалаг систем нь оюутан сурагчдыг суралцах, мэдээлэл авахад илүү хялбар дэвшилтэт технологи болж байгаа бөгөөд тус сургуулийг төгсөж байгаа боловсон хүчний диплом өндөр түвшинд хамгаалагдаж байна. 

 
 
 
 
 

 

Эх сурвалж: "Их Засаг" ОУИС