Хүндэтгэх шалтгаанаар олон хоносон орон нутгийн дугаартай автомашинаас хураамж авахгүй байх журам Бямба гарагаас хэрэгжинэ
Орон нутгийн дугаартай автомашинтай иргэн нийслэлд 48 цагаас дээш хугацаанд зорчвол хоног тутамд 5,000 төгрөг төлөх, харин нийслэл рүү нэвтэрснээс хойш 48 цагийн дотор буцаж гарсан тохиолдолд хураамж авахгүй байх журам хэрэгжиж буй.
Харин хүндэтгэх шалтгааны улмаас Улаанбаатарт ирж, 48 цагаас дээш байсан тохиолдолд хураамж авахгүй байх шийдвэр хоёрдугаар сарын 15-н буюу энэ долоо хоногийн Бямба гарагаас хэрэгжиж эхэлнэ.
Эрүүл мэндийн шалтгаанаар нийслэлийн нутаг дэвсгэрт байрлах эмнэлэгт эмчилгээ хийлгэсэн, оршуулгын зан үйлд оролцох шалтгаанаар нийслэлийн нутаг дэвсгэрт хуанлийн 14 хоногоос илүүгүй байрласан, хөдөлгөөнд оролцох боломжгүйгээр тээврийн хэрэгсэлд гэмтэл учирсан, онцгой байдлын үед эрх бүхий байгууллагын шийдвэрээр дайчлагдсан шалтгаанаар ирсэн бол 5,000 төгрөгийн хураамж төлөхгүй.
Хамгийн гол нь эдгээр шалтгааныг нотлох баримттай байх шаардлага тавигдах аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
