БНСУ-ын Засгийн газрын 2025 оны магистр, докторын тэтгэлэгт хөтөлбөр зарлагдлаа

Бүгд Найрамдах Солонгос Улс(БНСУ)-ын Засгийн газраас гадаад оюутныг магистр, докторын зэрэгт суралцуулах 2025 оны тэтгэлэгт хөтөлбөрийн сонгон шалгаруулалтыг зарлалаа.

Сонгон шалгаруулалтын материалыг энэ сарын 17-ноос 28-ны дуустал ажлын цагаар БНСУ-ын Элчин Сайд Яам(ЭСЯ)-нд биечлэн хүргэж өгөх юм.

Тэтгэлэгт хөтөлбөрийн үргэлжлэх хугацаа:

• Магистр: Солонгос хэлний бэлтгэл нэг жил, үндсэн хөтөлбөр хоёр жил
• Доктор: Солонгос хэлний бэлтгэл нэг жил, үндсэн хөтөлбөр гурван жил
• Судлаач: Зургаан сар эсвэл нэг жил

Суралцах салбар болон шалгуур:

• Солонгос хэлээр: ЭНД ДАРЖ танилцана уу.
• Англи хэлээр: ЭНД ДАРЖ танилцана уу.
• Бүрдүүлэх бичиг баримт: ЭНД ДАРЖ танилцана уу.

Маягтын дагуу бөглөж, бусад нотлох бичиг баримтын хамт нийт 4 хувь (Апостиль-р баталгаажсан эх хувь 1 + энгийн хуулбар 3 хувь) өгнө.

ЭСЯ-ны ажлын цаг: ажлын өдөр 08:00 – 17:00 (Цайны цаг 12:00-13:30)

ЭСЯ-ны хаяг: Улаанбаатар хот, Хан-Уул дүүрэг, Махатма Гандигийн гудамж 39

ЭСЯ-ны утас: 70071020

Дараах и-мэйл хаягт хандаж дэлгэрэнгүй мэдээлэл авна уу.

• Олон улсын боловсролын хүрээлэнгийн тэтгэлэгт хөтөлбөрийн төв: kgspniied@korea.kr
• БНСУ-ын Элчин сайдын яамны тэтгэлэг хариуцсан ажилтан: kormg_cul@mofa.go.kr

Эх сурвалж: Боловсролын Яам