Уншиж байна ...
Зураг
Зураг
ХУУЧИРСАН МЭДЭЭ: 2018/06/19-НД НИЙТЛЭГДСЭН

АНУ-ын 20 настай рэп од буудуулж алагдлаа

Э.Сэмүүн, ikon.mn
2018 оны 6 сарын 19
iKon.MN
Зураг зураг

АНУ-ын хөгжмийн чартад уран бүтээл нь тэргүүлж байсан 20 настай рэппэр XXXTentacion өчигдөр Флоридагийн гудамжинд буудуулж амиа алджээ.

Дууны үг, утга санаа нь, бас бодит амьдрал нь ч хүчирхийллээр дүүрэн байсан залуу рэппер хар өнгийн BMW i8 машиндаа буудуулсан байна. Аллага Майами хотын хойд дүүргийн мотоциклийн дэлгүүрийн гадаа өдрийн цагаар болжээ.

Талийгаач тэндээс мотоцикль авахаар явж байсан бололтой. Хоёр алуурчин хохирогчийг буудаад жип ангиллын машинаар зугтсан байна.

 

Цагдаа нар уг аллагыг дээрмийн зорилготой гэж урьдчилсан байдлаар дүгнэжээ. XXXTentacion-ий анхны дуу “Look at Me!” нэртэйгээр SoundCloud сүлжээнд жил гаруйн өмнө гарч байв.

Түүний хоёр дахь цомог “?” нь өнгөрсөн гуравдугаар сард Биллбордын топ цомгийн жагсаалтыг тэргүүлж байжээ.

Сүүлийн цомгоо гарах үед тэр хөл хүнд экс найз охиноо зодсон хэргээр гэрийн хорионд орж, шүүх хурлаа хүлээж байв. Гэхдээ тэр хипхоп ертөнцөд богино хугацаанд их нэр хүндтэй болж байсан юм. Энэ салбарын нөлөө бүхий хүмүүсийн нэг Кэндрик Ламар түүний анхны цомог “17”-г өнгөрсөн онд гарахад “давтагдашгүй өвөрмөц бүтээл” гэж магтаж байжээ.

Нэрт рэппер Кэни Уэст твиттер хуудсандаа “Надад ямар их урам өгдгийг чинь өдийг хүртэл хэлж байсангүй” хэмээн харамсаж бичсэн байна.

 XXXTentacion ангийнхаа хүүхдийг зодсон хэргээр дунд сургуулиасаа хөөгдөж, ээждээ төрсөн гэрээсээ хөөгдөн, менежэрээ хутгалж, концертынхоо үеэр үзэгчидтэй муудалцан зодолдож байсан гээд амьдрал нь зөрчил маргаанаар дүүрэн нэгэн байсан юм.

Эх сурвалж: AFP