Намрын чуулганыг Баасан гарагт хаана
УИХ-ын намрын чуулганыг энэ долоо хоногийн баасан гарагт буюу хоёрдугаар сарын 10-нд хаахаар төлөвлөөд байна. Жил бүрийн аравдугаар сарын 01-нд намрын чуулганыг нээж, хоёрдугаар сарын 10-нд завсарлуулдаг.
УИХ-ын намрын чуулганыг завсарлуулсны дараа ээлжит бус чуулганыг зарлан хуралдуулж, хорт утаатай тэмцэх хөтөлбөрийг батлах гэнэ. Гэхдээ одоогоор УИХ-ын даргын зөвлөл энэ асуудлыг хэлэлцээгүй байгаа юм. Хэрэв тус зөвлөл хуралдан, шийдвэрээ гаргавал УИХ-ын дарга захирамжаа гарган, ээлжит бус чуулган зарладаг дэгтэй билээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
