Ж.Батсуурийг Засаг даргаар томилуулахаар шийдвэрлэжээ
Сүхбаатар аймгийн ИТХ Анхдугаар хуралдаанаа өчигдөр албан ёсоор хийж, ИТХ-ын даргаар Д.Хосбаярыг сонгож, Ж.Батсуурийг Засаг даргаар томилуулахаар шийдвэрлэснээ Засгийн газарт өргөн мэдүүлэхээр болжээ. Өмнө нь тус аймагт ИТХ-ын сонгуулиар АН 16, МАН 16 суудал авч нэг тойрогт нөхөн сонгууль явуулах шүүхийн шийдвэр гараад байсан.
Гэтэл ИТХ дахь МАН-ын бүлэг нь хууль бус хурал хийж, ИТХ-ын дарга, Засаг даргыг томилуулаад байсан юм. Энэ асуудлаар аймгийн АН шүүхэд нэхэмжлэл гаргасныг Захиргааны хэргийн давж заалдах шатны шүүх эцэслэн хэлэлцэж ИТХ дахь МАН-ын бүлгийн өнгөрсөн долоодугаар сарын 21-нд хийлгэсэн Анхдугаар хуралдаан хууль зөрчсөн болохыг тогтоосон.
Тэгвэл тус аймагт сум, дүүргийн ИТХ-ын сонгуультай хамт явагдсан нөхөн сонгуульд АН ялснаар орон нутагт эрхээ хэрэгжүүлэхэд олонх болж, эхний шийдвэрээ ийнхүү гаргажээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
