"Х.Баттулга гишүүний туслах Ш.Эрдэнэтуяаг батлан даалтад гаргасан"
УИХ-ын гишүүн Х.Баттулгын туслах Ш.Эрдэнэтуяа гэх эмэгтэйг гуравдугаар сарын 18-ны үүрээр 04:00 цагт баривчилж, тухайн өдрөө сулласан гэсэн мэдээлэл байгаа.
Энэ талаар ЦЕГ-ын Хэвлэл мэдээллийн төвийн дарга Б.Баатархүүгээс тодрууллаа.
"Ш.Эрдэнэтуяаг гуравдугаар сарын 18-ны үүрээр хотоос гарч явахад нь баривчилж, сэжигтнээр тооцон мэдүүлэг аваад тухайн өдрөө батлан даалтад гаргасан. Тэр эмэгтэйг хорьсон зүйл байхгүй.
Мөн гуравдугаар сарын 16-нд баривчлагдсан Г.Түвшинжаргалын гэрт хөндлөнгийн гэрчгүй хууль бусаар нэгжлэг хийсэн гэдэг нь ташаа мэдээлэл гэдгийг онцлон хэлмээр байна. Шүүхээс Г.Түвшинжаргалыг Эрүүгийн байцаан шийтгэх хуулийн 68.2-г үндэслэн хорих шийдвэр гаргасан" гэлээ.
Эрүүгийн байцаан шийтгэх хуулийн 68.2-т
68.2.Дараах нөхцөл байдал байвал хүндэвтэр гэмт хэргийн сэжигтэн, яллагдагч, шүүгдэгчийг цагдан хорьж болно:
68.2.1.өмнө нь авсан таслан сэргийлэх арга хэмжээг зөрчсөн;
68.2.2.хэрэг бүртгэлт, мөрдөн байцаалт, шүүхээс оргон зайлж болзошгүй, эсхүл оргон зайлсан;
68.2.3.хэрэг хянан шийдвэрлэх ажиллагааны явцад дахин гэмт хэрэг үйлдсэн гэж заасан байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
