ОХУ, АНУ-ууд Сирид гал зогсоох цагийг тохирлоо
ОХУ болон АНУ-ын тал хамтран Сирийн дайсагнагч талуудын хооронд гал зогсоох цагийг тохирчээ. Гал зогсоох цаг нь Дамаскийн цагаар ирэх Бямба гарагийн шөнө дунд байх гэнэ. Уг тохиролцоонд Исламын улс болон Аль-Нусра бүлэглэлүүд хамрагдахгүй.
Мөн дайсагнагч талууд нь 26-ны Баасан гарагийн Дамаскийн 12:00 цагаас өмнө гал зогсоох нөхцлийг хүлээн зөвшөөрч байгаагаа мэдэгдэх ёстой гэнэ.
ОХУ-ын ерөнхийлөгч Владимир Путин АНУ-ын ерөнхийлөгч Барак Обама нар утасаар ярилцаж гал зогсоох төслийг дэмжиж байгаагаа илэрхийлцгээжээ.
Энэ үеэр Путин НҮБ-ын Аюулгүйн зөвлөлөөс террорист байгууллага гэж зарласан Исламын улс болон Аль-Нусра бүлэглэлүүдийн эсрэг цохилтоо үргэлжүүлнэ гэлээ.
Цаашдаа аль бүлэглэлийг цохилтын бай болгох эсэхийг ОХУ, АНУ-ын талууд хамтран шийдэж байх ажээ.
Талууд энэхүү гал зогсоох тохиролцоо нь Сирийн иргэний дайныг зогсооход чухал алхам болж байгааг онцолж байна.
Эх сурвалж: Russia Today
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
1 СЭТГЭГДЭЛТЭЙ
|
