• 12 сарын 14, Ням
|
Уншиж байна ...
ХУУЧИРСАН МЭДЭЭ: 2016/01/25-НД НИЙТЛЭГДСЭН

ДЭМБ: Шувууны томуугаас сэргийлэх зөвлөмж

Б.МАНЛАЙ, IKON.MN
2016 оны 1 сарын 25
iKon.MN
Зураг зураг

Хятад улсын ЭМГБТХорооноос 2016 оны нэгдүгээр сарын 11-нд шувууны томуугийн A(H7N9) вирусын хүний халдварын лабораториор батлагдсан 10 шинэ тохиолдол, 3 нас баралтыг ДЭМБ-д мэдээлжээ.  
 

Хятад улсын засгийн газраас нөхцөл байдалд дүн шинжилгээ хийх, тандалтыг эрчимжүүлэх, эмчилгээг сайжруулах, эрсдэлийн үеийн харилцаа холбоог сайжруулж, иргэдийг мэдээллээр хангах арга хэмжээ авч байна.


ДЭМБ-аас шувууны томуугийн дэгдэлт гарч буй улс руу аялагчдад зориулж зөвлөмж гаргажээ.

  • Шувууны ферм болон амьд шувууны захаар аль болох зорчихгүй байх,
     
  • Тэжээвэр болон зэрлэг шувуудтай ойртож хавьтахгүй, шувууны сангас, ялгадаст хүрэхгүй байх, хүрсэн тохиолдолд гараа сайтар савандаж угаах,
     
  • Хоол хүнсний ариун цэвэр, эрүүл мэндийн аюулгүй байдлаа чандлан сахихыг анхаарууллаа.


БНХАУ руу хувийн болон албан ажлаар зорчиж буй манай улсын  иргэд дээрхи зөвлөмжийг сахиж мөрдөхийг зөвлөж байна.


2013 оноос хойш шувууны томуугийн A(H7N9) вирус хүнд халдварласан  нийт 693 тохиолдол бүртгэгджээ.

 

Эх сурвалж: ХӨСҮТ