Хүүхдийн мөнгийг ЯЛГАВАРГҮЙГЭЭР олгохоор боллоо
Хүүхдийн мөнгөний асуудлыг УИХ-ын чуулганы өнөөдрийн хуралдаанаар хэлэлцэн баталлаа.
Засгийн газраас өргөн барьсан “Тогтоолд өөрчлөлт оруулах тухай” Улсын Их Хурлын тогтоолын төсөл буюу хүүхдийн мөнгийг ялгаваргүйгээр олгох тогтоолыг Байнгын хорооноос анхны хэлэлцүүлгээр нь батлах санал дүгнэлт гаргасан байна.
Ингээд анхны хэлэлцүүлгээр нь батлах эсэхээр санал хураахад 85.7 хувийн саналаар дэмжигдэв. Үүний дараа УИХ-ын тогтоолд өөрчлөлт оруулах тухай Улсын Их Хурлын тогтоолын төслийг хуралдаанд оролцсон гишүүдийн 42 нь буюу 85.7 хувийн саналаар дэмжлээ.
Ийнхүү хүүхдийн мөнгийг ялгаваргүйгээр олгохоор боллоо.
УИХ-аас уг тогтоол батлагдсанаар хүүхдийн мөнгийг 20 мянга хэвээр нь олгох бөгөөд энэ онд төсөвлөсөн хөрөнгө дууссан тохиолдолд төсөвт тодотгол хийх юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
