Үелэх системд дөрвөн шинэ элемент нэмэгдлээ

Менделеевийн үелэх систем дөрвөн шинэ элементээр нэмэгдэж хамгийн сүүлийн долooдугаар мөр дүүрэхээр болжээ.

Арванхоёрдугаар сарын 30-нд IUPAC (International Union of Pure and Applied Chemistry) байгууллага 113, 115, 117, 118 атомын тоотой эдгээр элементүүдийг шалган баталгаажуулсны дараа зарласан байна.

Шинэ элементүүдийг АНУ, ОХУ, Японы эрдэмтэд нээсэн бөгөөд одоо тэд хоёр үсэгтэй тэмдэглэгээ болон нэрийг нь өгөхөөр ажиллаж байгаа юм.

115, 117, 118 дугаартай элементүүдийг АНУ-ын Калифорнийн Лауренс Ливермор Үндэсний Лаборатори, Теннеси дэх Оак Риж Үндэсний Лаборатори, ОХУ-ын Дубнагийн Цөмийн хүрээлэнгүүд нээсэн байна.

Харин 113 дугаартай элементийг Японы Рикен Хүрээлэнгийнхэн нээжээ.

Хэдийгээр үелэх системийн долоодугаар мөр дүүрсэн ч эрдэмтэд шинэ наймдугаар мөрийг эхлүүлэхээр ажиллаж байгаа юм.

Эх сурвалж: Mashable