Үр зулбуулах эм зардаг байсан эмэгтэй үйлдэл дээрээ баригдав
"Нарантуул" олон улсын худалдааны төвийн өргөтгөл дэх чингэлэгт үр зулбуулах эм зарж байна гэх дуудлага цагдаагийн байгууллагад иржээ.
Уг мэдээллийн дагуу тус дүүргийн Цагдаагийн I хэлтсийн алба хаагчид шалгалт хийхэд 33 настай эмэгтэй "iprofie", "Misoprostol" зэрэг үр зулбуулах эмүүдийг хууль бусаар худалдаалж байсан нь илэрчээ.
Дээрх нэр бүхий эмүүдийг эд мөрийн баримт болгон хураан авч, устгалд оруулжээ.
Үр зулбуулах эмийг Монгол Улсын хуулиар хориглодог бөгөөд эмийг хэрэглэх нь хүний биед асар их хор хохирол учруулж улмаар үргүйдэх магадлал өндөр байдгийг цагдаагийн байгууллагаас анхаарууллаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
