ДЭМБ: Хорт хавдар үүсгэгчдийн ангилал

ДЭМБ-ын дэргэдэх Олон Улсын Хавдар судлалын Агентлаг өчигдөр мэдэгдэл гаргаж боловсруулсан махыг хорт хавдар үүсгэдэг нь баталгаатай гэсэн ангилалд оруулсан.

Тэгвэл тус байгууллагаас гаргасан ангиллыг танилцуулж байна.

Бүлэг 1 – Хүний биед хорт хавдар үүсгэдэг зүйлс

Энэ ангилалд хүний биед хорт хавдар үүсгэдэг нь хангалттай батлагдсан зүйлс орно.

• Тамхи
• Нарны хорт цацраг
• Согтууруулах ундаа
• Боловсруулсан мах, хиам, зайдас, утсан мах, нөөшилсөн мах (шинээр нэмэгдсэн)

Бүлэг 2А – Хүний биед хорт хавдар үүсгэх өндөр магадлалтай зүйлс

Энэ ангилалд хүний биед хорт хавдар үүсгэдэг нь хязгаарлагдмал хүрээнд батлагдсан, амьтны биед үүсгэдэг нь хангалттай хэмжээнд батлагдсан зүйлс орно.

• Өндөр температуртай биетээс ялгарах туяа
• Шарсан хүнс
• Стеройдууд (эмчилгээний зориулалттай лабораторид гаргаж авсан дааврууд)
• Үсчний салонд хэрэглэдэг химийн бодисууд
• Улаан мах (шувуу, загасны бус түүхий мах)

Бүлэг 2B – Хүний биед хорт хавдар үүсгэдэг байж болзошгүй зүйлс

Энэ ангилалд хүний биед хорт хавдар үүсгэдэг нь хязгаарлагдмал хүрээнд батлагдсан, амьтны биед үүсгэдэг нь хангалттай бус хэмжээнд батлагдсан зүйлс орно.

• Кофе
• Бензин, бензиний хөдөлгүүрээс ялгарсан утаа
• Гагнуурын ажлаас ялгарах утаа
• Даршилсан хүнсний ногоо

Бүлэг 3 – Ангилагдаагүй хорт хавдрын хүчин зүйлс

Энэ ангилалд хүний болон амьтны биед хорт хавдар үүсгэдэг нь хангалттай батлагдаагүй зүйлс орно.

• Цай
• Статик соронзон орон
• Флуоресцент гэрлүүд
• Полиетилен хуванцар эдлэлүүд

Бүлэг 4 – Хорт хавдар үүсгэдэггүй

Энэ ангилалд хүний болон амьтны биед хорт хавдар үүсгэдэггүй нь одоогоор батлагдсан зүйлс орно.

• Капролактам, мяндсан утас үйлдвэрлэхэд ордог нийлэг материал, одоогоор хорт хавдар үүсгэдэггүй нь батлагдсан цорын ганц химийн материал юм.