Улаан эсэргэнэ өвчнөөс сэргийлье

Улсын хэмжээнд улаан эсэргэнэ өвчин нэмэгдэж, өвчлөлийн 86.7%-ийг бага насны (9 хүртэлх) хүүхдийн өвчлөл эзэлж байгаа тул халдвараас урьдчилан сэргийлэх дараах зөвлөмжийг хэрэгжүүлэн ажиллахыг зөвлөж байна.

• Хүүхдийн байгууллагуудад ирцийн тандалтыг өдөр бүр хийх,
• Халуурах, ханиалгах шинж тэмдэг илэрсэн бол харъяа өрх, дүүргийн эмнэлэгтээ хандаж, эмчийн зөвлөлгөө авахыг зөвлөх,
• Халдварын шинж тэмдэгтэй болон өвчилсөн хүүхэд, багш, ажилчдыг цэцэрлэг, сургуулиас эмчийн магадлагаагаар 10-21 хоног хүртэл чөлөөлж, тусгаарлан эмчлүүлж, эдгэрсний дараа ирэхийг зөвлөх,
• Цэцэрлэг, яслиуд өглөө хүүхэд хүлээж авахдаа эрүүл мэндийн үзлэг хийж улаан эсэргэнэ өвчний анхны шинж тэмдэг илэрсэн хүүхдийг гэрт нь буцаана,
• Өвчлөл гарсан ангид 21 хоногийн хугацаанд эмчийн хяналт тавьж, анги танхимын шилжилт хөдөлгөөнийг хязгаарлах, шинээр хүүхэд авахгүй байх,
• Сургууль, цэцэрлэгийн анги танхим, биеийн тамир, хурал цуглааны зааланд чийгтэй цэвэрлэгээ, агааржуулалтыг өдөрт 2-3 удаа хийж, анги, танхимын дулааныг 18-20 хэмд байлгах,
• Өвчтэй хүүхдийн хамар, залгиурын шүүрлээр бохирлогдсон эд зүйлийг халдваргүйтгэх, байнгын халдваргүйтгэлийг нэмэгдүүлэх,
• Сургууль, цэцэрлэгийн хүүхэд, эцэг, эхчүүд, багш, ажилчдад халдвараас сэргийлэх талаар сургалт сурталчилгаа хийж, халдвараас сэргийлэх энгийн арга (амны хөндий, хоолойгоо цэвэршүүлэх арга, даарч хөрөхгүй байх, тогтмол цагт илчлэг сайтай витаминлаг хоол хүнс хэрэглэх, амны хаалт зүүх, хувийн ариун цэврийг сахиж хэвших)-ыг зааж сурган, хэвшүүлэх,

Эх сурвалж: ХӨСҮТ