Хятадын агаарын тээврийн компаний хачин заншил илэрчээ
Хятадын иргэний агаарын тээврийн Кунминг Айрлайнз компаний эмэгтэй ажилтныг онгоцны суудлын дээрх тээшний хайрцагт хүчээр оруулж байгаа зураг WeChat сүлжээгээр тарсны дараа тус компаний удирдлага олон нийтээс уучлал хүссэн мэдэгдэл гаргажээ.
Өмнөд Хятадын Өглөөний шуудан сонинд мэдээлснээр онгоцны үйлчлэгч нарыг тус компанид эхний 30-50 цагийн аялал хийсний дараа ингэж дэглэдэг сонин заншил тогтсон байдаг гэнэ.
Сүүлийн 4-5 жил энэ үйлдэл давтагдсаар уламжлал болсон аж.
Компаний захиргаа уг хачин үйлдлийн талаар огт мэддэггүй байсан гээд холбоотой этгээдийг олж шалгана гэсэн мэдэгдэл хийжээ.
Мөн ажилтнуудаас ч энэ талаар гомдол ирж байгаагүй гэнэ.
Эх сурвалж: Shanghaiist
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
