Жил бүрийн аравдугаар сарын хоёр дахь Даваа гарагийг Америкт Христофер Колумбийн шинэ тивийг нээсэн алдрыг дурсдаг өдөр болгон тэмдэглэж байв.
Гэвч сүүлийн үед Америкчуудын ихэнх нь түүнийг дурсах гавьяагүй этгээд байсан хэмээн үзэх болжээ.
Үүнийг батлах дараах баримтуудтай танилцъя. Баримтуудыг саяхан хэвлэгдсэн Лоренс Бергриний “Колумбийн Дөрвөн аялал” (Columbus: The Four Voyages) нэртэй намтраас цуглуулан эмхэтгэжээ.
Энэ тухай түүний хоёр дахь аялалд оролцсон Мишель де Кунеогийн дурсамжинд тэмдэглэгджээ. Колумбийн багийнхан нэгэн үзэсгэлэнтэй Кариб эмэгтэйг олзлон хөлөг дээрээ авчирч хөлгийн багийнхны хэрэгцээг хангaж байжээ.
Испаниола бол одоогийн Доминиканы БНУ, Гаити улсууд оршдог арал.
Арлын 2,000 орчим Индианчууд эсэргүүцэл үзүүлсний дараа гурван удирдагчийг нь баривчилж олны өмнө Колумбийн тушаалаар толгойг нь авсан байна. Мөн нэгэн тосгоныхныг өөрийн мэдэлд оруулахын тулд сүрдүүлж иргэдийнх нь нүдэн дээр нэг Индиан хүний чихийг огтолж байжээ.
Кунеогийн дурссанаар Колумби арлын 1,500 хүнийг баривчилж, тэдгээрээс шаардлага хангахгүй 400-г нь чөлөөлж, 500-г нь Испани руу илгээж, 600-г нь арал дээрх Испаничуудад боол болгон өгчээ. Испани руу илгээсэн 500 хүний 200 нь замын дунд амиа алдаж Атлантын далайд хаягдсан байна.
Колумби нутгийн иргэдийн 14 наснаас дээш хүн бүрийг их хэмжээний алт олж ирэх, үгүй бол алах ял тулгаж байжээ. Алт багатай нутгийн хүмүүсийг алтны оронд хөвөн олж ирэхийг тушааж байв.
Испаничуудын дарлалыг тэсэхийн аргагүй болсон тул нутгийн иргэд хаднаас үсрэх, ургамлын үндсээр өөрийгөө хордуулах, өлсөж үхэх замаар бөөн бөөнөөрөө амиа хорлож байв.
1492 онд Колумбийг анх ирэхэд Испаниола арал дээр 300,000 хүн амьдардаг байв. 1494-1496 оны хооронд 100,000 хүн амиа хорлож үхжээ. 1508 онд хүн амын тоо 60,000 хүрсэн бол 1548 онд ердөө 500 хүн үлджээ.
Нутгийн иргэдтэй харгис хатуу харьцдаг байсан төдийгүй Колумби өөрийн мэдлийн Испаничуудыг ч хэрцгий аргаар шийтгэдэг байжээ. Олон Испани хүнийг тэр нийтийн өмнө зодож, ташуурдаж шийтгэх, өөртэй нь буруу үг хэлээр харьцсаны төлөө хэлийг нь огтлох, хулгай хийсний төлөө дүүжлэх зэргээр шийтгэж байжээ.
Испаний хатан хааны найз Дона Хуана де ла Торрын захианд колончлогчдын дунд олон тооны наймаачид байдаг байсан бөгөөд есөөс арван насны охидыг сайн үнээр худалдан авч цааш зуучилдаг байсан тухай дурджээ.
Испаний колончлогчдын түүхийг бичсэн Бенжамин Киний баталснаар Испани эзэд сульдаж ядарсан Индиан боолуудын хүзүүний гинжийг суллахын оронд цаг хэмнэж толгойг нь тасдаж орхиод явдаг байжээ.
Эх сурвалж: Vox.Com