Дэлхийн аварга С.Батцэцэгийг НЭГ КГ АЛТ, мөнгөн медаль хүртсэн гурван тамирчинг ХАГАС КГ алтаар шагналаа

Монголын Чөлөөт Бөхийн Холбооны ерөнхийлөгч Д.Дагвадорж АНУ-ын Лас Вегас хотод зохион байгуулагдсан Чөлөөт бөхийн дэлхийн аварга шалгаруулах тэмцээнд амжилттай оролцсон тамирчдаа холбооны зүгээс шагнасан тухайгаа мэдээллээ.

Тодруулбал МЧБХ-ны Удирдах зөвлөлийн шийдвэрээр: 

• Дэлхийн аварга болсон С.Батцэцэгийг нэг кг алт, (зах зээлийн ханшаар ~77сая төгрөг)
   
• Мөнгөн медаль авсан гурван тамирчин болох Б. Номин, П.Өнөрбат, С.Цэрэнчимэдийг хагас кг алт, (зах зээлийн ханшаар ~38сая төгрөг)
• Хүрэл медаль авсан Э.Бэхбаярыг 300 грамм алтаар (зах зээлийн ханшаар ~23сая төгрөг) шагнажээ.

Мөн багш, дасгалжуулагч нарыг тус бүр 2,000 доллараар шагнаж урамшуулах шийдвэр гаргасан байна.

Үүнээс гадна Монголын томоохон компаниудаас амжилт гаргасан тамирчдад орон сууц бэлэглэжээ. Тухайлбал:

• Эрэгтэйчүүдийн 61 кг-д мөнгөн медаль хүртсэн тамирчин Б. Номинг Гацуурт компанийн захирал Л. Чинбат хоёр өрөө байраар,
• Эрэгтэйчүүдийн 74 кг-д мөнгөн медаль хүртсэн П. Өнөрбатыг Хасу Мегаватт компанийн захирал Ж. Түмэн-Аюуш хоёр өрөө байраар,
• Эрэгтэйчүүдийн 57 кг-д хүрэл медаль хүртсэн Э. Бэхбаярыг Алтай констракшны зүгээс байраар, 
• Дэлхийн аварга С.Батцэцэгийг Хөрөнгө Оруулалтын Банкнаас гурван өрөө байраар шагнаж урамшууллаа.

Мөн УИХ-ын Гишүүн Д.Сумъяабазар О.Пүрэвбаатарыг 10 сая төгрөгөөр шагнасан байна.

Эх сурвалж: МЧБХ-ны Ерөнхийлөгч Д.Дагвадорж