• 6 сарын 14, Бямба
|
ХУУЧИРСАН МЭДЭЭ: 2015/09/08-НД НИЙТЛЭГДСЭН

РЖД 2019 он хүртэл УБТЗ-ын 50 хувийг эзэмшинэ

Г.Од
2015 оны 9 сарын 8
www.mongolianminingjournal.com
Зураг зураг

ОХУ-ын төрийн өмчит “Оросын төмөр зам” буюу РЖД компани нь 2019 оныг дуустал “Улаанбаатар төмөр зам”-ын 50 хувийг удирдахаар болсон байна.

Тодруулбал, УБТЗ хамтарсан нийгэмлэгийн нийт хувьцааны 50 хувийг эзэмших зарлигт ОХУ-ын Ерөнхийлөгч Владимир Путин гарын үсэг зуржээ. 

Тус зарлигт “Зөвлөлт-Монголын хувь нийлүүлсэн “Улаанбаатар төмөр зам” нийгэмлэгийн “Оросын төмөр зам” /РЖД/ төлөөлөн эзэмшиж буй холбооны мэдлийн 50 хувийн хувьцаа эзэмших удирдлагын хэлэлцээрийг 2019 оны арванхоёрдугаар сарын 17 хүртэл сунгах тухай заажээ. Энэхүү баримт бичиг 2015 оны есдүгээр сарын 4-ний өдрөөс эхлэн зарлигт тусгасан хугацааг хүртэл хүчин төгөлдөр мөрдөгдөх юм. 

Улаанбаатар төмөр замын барилгын ажил Зөвлөлт-Монголын зөвшилцлийн дагуу 1947 онд эхэлсэн байдаг. Үүнээс 2 жилийн дараа буюу 1949 онд 400 км төмөр зам баригдаад байхад “Улаанбаатар төмөр зам” хувьцаат нийгэмлэг байгуулах тухай өнөөг хүртэл хүчин төгөлдөр үйлчилж буй хэлэлцээрийг ЗХУ, БНМАУ үзэглэсэн юм.  

Сонирхуулахад, РЖД компанийг сүүлийн 10 жил тасралтгүй удирдсан Владмир Якунин өөрийн хүсэлтээр өнгөрсөн сард албан ёсоор албан тушаалаасаа буусан билээ. Одоо тус албанд ОХУ-ын Тээврийн сайдын нэгдүгээр орлогч Олег Белозеров томилогдон ажиллаж байгаа юм.   

Зураг
Энэ мэдээнд өгөх таны хариулал?
Зураг
ЗӨВ, ГОЁ
Зураг
ХАХА
Зураг
ХӨӨРХӨН ЮМ
Зураг
ГАЙХМААР
Зураг
БАХАРХМААР
Зураг
ХАРАМСАЛТАЙ
Зураг
ТЭНЭГЛЭЛ
Зураг
БУРУУ
ИЛГЭЭХ
БОЛИХ
Зураг
Баярлалаа

ЭНЭ ТУХАЙ ...

Зураг
Олег Белозеров "Оросын төмөр зам" нийгэмлэгийн тэргүүн болов
0 СЭТГЭГДЭЛТЭЙ
0/1000
iKon сайтад сэтгэгдэл оруулахад анхаарах зүйлс
Эхний
Сүүлийн
Шилдэг