ТББХ: Ц.Оюунбаатарыг Шадар сайдаар томилуулахыг дэмжлээ

Монгол Улсын Их Хурлын Төрийн байгуулалтын байнгын хороо өнөөдөр хуралдаж, Засгийн газрын гишүүнийг томилуулах тухай асуудлыг хэлэлцлээ. Хуралдааны эхэнд Засгийн газрын гишүүн, Шадар сайдаар Цэрэндашийн Оюунбаатарыг томилуулах тухай тогтоолын төслийг Монгол Улсын Ерөнхий сайд Ч.Сайханбилэг танилцуулсан юм.

Хэлэлцэж буй асуудалтай холбогдуулан УИХ-ын гишүүн Л.Цог, Су.Батболд, Н.Энхболд, С.Дэмбэрэл нар асуулт асууж, үг хэллээ.

Монгол Улсын Засгийн газрын гишүүн-Шадар сайдаар Улсын Их Хурлын гишүүн Цэрэндашийн Оюунбаатарыг томилуулах Монгол Улсын Ерөнхий сайдын саналыг дэмжих санал хураалт явуулсныг хуралдаанд оролцсон гишүүд 100 хувийн саналаар дэмжсэнээр чуулганы нэгдсэн хуралдаанд хэлэлцүүлэхээр тогтлоо хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.