Хүүхдийн шөнө орондоо шээх эмгэгийг хэрхэн эмчлэх вэ?

Шөнө орондоо шээх эмгэг 3-16 хүртэлх насны эрэгтэй хүүхдүүдэд зонхилон тохиолддог байна. 

Нярай хүүхэд 6-7 сартайдаа  өдөрт 20-25 удаа, 6-8 настай хүүхэд  өдөрт 6-7 удаа хөнгөнөөр бие засаж байвал хэвийн гэж үздэг бөгөөд хүүхэд гурван наснаас эхлэн өөрийнхөө давсагны үйл ажиллагааг бүрэн хянаж чаддаг болсноор шөнийн цагаар орондоо шээхээ больдог байна. Тэд шөнө орондоо унтаж байхдаа давсагт нь шээс дүүрч байгааг мэдэрч босоод шээж чаддаг аж.

Зарим хүүхдүүдийн хувьд унтаж байх үед давсагны үйл ажиллагааг зохицуулах олдмол рефлекс арилсны улмаас шөнийн цагаар орондоо шээх шинж тэмдэг илэрдэг.

Шөнө орондоо шээх нь хүүхдийн бөөр, давсгийн эмгэгээс шалтгаалахгүй

Шөнө орондоо шээх нь хүүхдийн бөөр, давсагны эмгэгээс шалтгаалахгүй бөгөөд зөвхөн хүүхдийн сэтгэцийн байдалд гарах өөрчлөлтөөс шалтгаалдаг. Цэцэрлэг, сургуульд орох, гэр бүлийн орчин өөрчлөгдөх  зэрэг нь хүүхдийн дасан зохицох чадварт нөлөөлж тэдний сэтгэцийн эрүүл мэндийн байдалд өөрчлөлт гардаг ажээ. Энэ үед зарим эцэг, эхчүүд шөнө хүүхдээ сэрээж шээлгэдэг нь байдлыг улам хүндрүүлж эмгэгийг улам даамжруулдаг байна.

Эрдэмтдийн судалгаагаар шөнө орондоо шээдэг хүүхдийг ховс заслын аргаар эмчлэх нь үр дүнтэй  байгааг тогтоожээ.

Эх сурвалж: Саруул Сэтгэц ТББ