Оношилгоонд ороогүй тээврийн хэрэгслийн эзэмшигчдэд торгуулийн хуудас хүргүүлж байна

Улаанбаатар хотын Замын хөдөлгөөний удирдлагын төв нь нийслэл хотын  гудамж, замаар зорчиж буй улсын бүртгэлгүй, дугааргүй, техникийн хувьд бүрэн бус, хяналтын үзлэг оношилгоонд хамаарагдаагүй /утаа ихтэй, өнгө үзэмжгүй, албан татвар, агаарын бохирдол, зам ашигласан төлбөр төлөөгүй, жолоочийн хариуцлагын даатгалгүй/ тээврийн хэрэгсэлийн эзэмшигчийн гэрийн хаягаар 4,391 торгуулийн мэдэгдэх хуудас хүргүүлээд байгаа ажээ.

Энэ оны нэгдүгээр сарын 1-ний өдрөөс хойш наймдугаар сарын 26-ны өдрийн байдлаар

• Хурд хэтрүүлсэн зөрчил 54,198
   
• Гэрэл дохионы зөрчил 16,081 
   
• Энхтайваны өргөн чөлөө нэгдүгээр эгнээр замын хөдөлгөөнд оролцсон 158,059 зөрчөл илрүүлж торгуулийн мэдэгдэх хуудас хүргүүлсэн байна.

“Замын хөдөлгөөний хяналтын камераар илрүүлсэн зөрчилд хариуцлага тооцох журам”-ыг мөрдөж эхэлснээс хойш гарч болзошгүй зам тээврийн ослоос урьдчилан сэргийлж, замын хөдөлгөөний зөрчил буурч байна хэмээн Улаанбаатар хотын Замын хөдөлгөөний удирдлагын төвөөс мэдээллээ.