Ялалтын 70 жилийн ойн баярыг Нийслэлд тэмдэглэнэ

1945 оны Чөлөөлөх дайны ялалтын түүхт 70 жилийн ой энэ онд тохиож буй. Монгол Улсын Засгийн газрын тогтоолоор энэхүү ойг тэмдэглэн өнгөрүүлэх ажлын хэсгийг Батлан хамгаалахын сайдаар ахлуулан байгуулсан.

Ажлын хэсгээс түүхэн ялалтын үнэ цэнэ, цэрэг эрсийнхээ байгуулсан гавьяаг сурталчлах, мөнхжүүлэх, дайнд оролцогсод, ахмад дайчдадаа хүндэтгэл үзүүлэх, тэдний эх оронч сэтгэл, зүтгэлийг залуу хойч үедээ өвлүүлэх, улс түмний найрамдалт харилцаа, Зэвсэгт хүчний хамтын ажиллагааг баяжуулан хөгжүүлэхэд түлхэц өгөхүйц цогц арга хэмжээг авч хэрэгжүүлж байгаа юм.

Ойн хүрээнд Сүхбаатар аймагт энэ сарын 19, Дорноговь аймагт энэ сарын 21-нд  ялалтын баярыг тэмдэглэн өнгөрүүлсэн бол Улаанбаатар хотод энэ сарын 28-нд тэмдэглэхээр боллоо.

1945 ОНЫ ЧӨЛӨӨЛӨХ ДАЙНЫ ЯЛАЛТЫН ОЙГ УЛААНБААТАР ХОТОД ТЭМДЭГЛЭХ ХӨТӨЛБӨР /08.28/

Ялалтын ойг тохиолдуулан хөшөө дурсгалын цогцолборт цэцэг өргөх

• 11:00-12:00 цагт, Зөвлөлтийн дайчдын хөшөө, Г.К.Жуков, Л.Дандар. Ж.Лхагвасүрэнгийн хөшөөнд цэцэг өргөнө.

Баярын хурал, хүндэтгэлийн концерт

• 14:00-17:00 цагт Нийслэлийн Соёлын төв өргөөнд

Ойд зориулсан үзэсгэлэн

• 14:00-17:00 цагт Нийслэлийн Соёлын төв өргөөнд

Үдшийн цэнгүүн

• 21:00-22:00 цагт Их эзэн Чингис хааны талбайд

Ёслолын буудлага

• 22:00-22:10 цагт Их эзэн Чингис хааны талбайн урд цэцэрлэгт хүрээлэн