Г.Дэнзэнг батлан даалтаар гаргажээ
Ерөнхий сайд асан Н.Алтанхуягийн хүргэн гэгдэж олонд танигдсан “Эрдэнэс Тавантолгой” компанийн ТУЗ-ийн дарга, ЗГХЭГ-ын дэд дарга асан Г.Дэнзэн өчигдөр батлан даалтаар хорих ангиас гарлаа.
Түүнийг АТГ-аас албан тушаалаа урвуулан ашигласан, аж ахуйн нэгжийн өмчийг завшиж үрэгдүүлсэн байж болзошгүй хэмээн шалгаж, Эрүүгийн хуулийн тусгай ангийн 265.2, 150.3-аар хэрэг үүсгэн ШШГЕГ-ын харьяа хорих 461 дүгээр ангид хориод байсан юм.
Хэдийгээр шүүхээс тогтоосон хорих хугацаа нь дууссан боловч албадан хорьсоор байсан тул Г.Дэнзэн эсэргүүцлээ илэрхийлж энэ сарын 7-ны өдрөөс эхлэн өлсгөлөн зарласан. Үүнээс болж түүний биеийн байдал эрс муудаж эхэлжээ.
Иймд биеийн байдлыг нь харгалзан үзэж, өчигдөр 17:00 цагт батлан даалтад гаргасан байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
