Ардчилсан орнуудын хамтын нийгэмлэгийн сайд нарын 8-р бага хурал өндөрлөлөө
Эл Сальвадор Улсын нийслэл Сан Сальвадор хотноо болсон Ардчилсан Орнуудын Хамтын Нийгэмлэг /АОХН/-ийн Сайд нарын 8-р бага хурал амжилттай болж өндөрлөв.
Уг бага хурлын төөлөөлөгчид “Ардчилал ба Хөгжил” сэдэвт Сан Сальвадорын тунхаглалыг баталлаа. Түүнчлэн АОХН-ийн Геремекийн нэрэмжит шагналыг Төрийн нарийн бичгийн дарга асан М.Олбрайтад олгов. Өмнө нь энэхүү шагналыг Н.Мандела, Ан Сан Су Чи зэрэг ардчиллын төлөө тууштай зүтгэлтнүүд хүртэж байжээ.
АОХН-ийн Сайд нарын 9 дүгээр бага хурлыг АНУ даргалахаар болсон байна.
Хуралд 70 гаруй орны 800 гаруй төлөөлөгч оролцсон бөгөөд Гадаад хэргийн сайд Л.Пүрэвсүрэн манай улсыг төлөөлөн оролцсон юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
