Уитни Хьюстоны охин 22 насандаа таалал төгслөө
2012 онд цаг бусаар хорвоогийн мөнх бусыг үзүүлсэн алдарт дуучин Уитни Хьюстоны охин энэ оны нэгдүгээр сард гэрийнхээ ваннаас ухаангүй байдалтайгаар олдож эмнэлэгт хүргэгдэж байсан билээ.
Тухайн үед Уитни, Бобби нарын ганц охин Бобби Кристина Жеоржиа мужийн Атланта дахь гэрээсээ дүүрэн устай ваннд живсэн байдалтай олдсон юм. Түүнээс хойш зургаан сар орчим хугацаанд эмнэлэгт ухаангүй байсан Кристина 22 насандаа мужийнхаа Дулут хотын эмнэлэгт таалал төгсчээ.
Энэ талаар орон нутгийн мэдээллийн агентлагууд дамжуулсан байна.
Өмнө нь Бобби Кристинагийн аппаратыг салгана, нас барсан гэх зэрэг мэдээлэл гарч байсан ч, Бобби охиныхоо аппаратыг салгалгүй өөр эмнэлэгт шилжүүлсэн байдаг.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
