Үндэсний их баяр наадмын шагайн харваанд 452 харваач оролцож байна
Үндэсний их баяр наадмын шагайн харваанд 50 багийн 452 харваач, Өмнөговь, Дундговь, Төв, Сэлэнгэ, Баянхонгор, Архангай, Говьсүмбэр, Хэнтий, Өвөрхангай, Дархан-Уул, Орхон аймаг, Улаанбаатар хотын багууд оролцож байна.
Энэхүү наадамд МУ-ын үлэмж дархан мэргэн 42, МУ-ын дархан мэргэн 24, МУ-ын гарамгай мэргэн 33, МУ-ын мэргэн 28, МУ-ын дэд мэргэн 47, харьшгүй мэргэн 12, Аймгийн гоц мэргэн 78 оролцож байгаа бөгөөд нийт оролцогчдын 50 гаруй хувь нь цолтой харваачид байгаа юм.
Энэ жилийн шагайн харваан тэмцээний хамгийн ахмад харваач нь Дундговь аймгийн харьяат 91 настай Д.Санжаагэндэн гуай байгаа бол хамгийн залуу нь Төв аймгийн харваач 14 настай н.Билгүүтэй байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
