“Turquoise Hill” далд уурхайн санхүүжилтийн 60 орчим хувийг бүрдүүлээд байна гэв

Монгол Улсын Засгийн газар болон уул уурхайн “Рио Тинто” групп далд уурхайн санхүүжилт, татварын маргаантай холбоотой хоёр жил үргэлжилсэн маргаанаа өчигдөр шийдвэрлэсэн.

Маргааныг шийдвэрлэх явцад “Turquoise Hill” компани хэд хэдэн асуудал дээр буулт хийсэн хэмээн Ерөнхий сайд Ч.Сайханбилэг хэлсэн юм.

Тухайлбал,

• “Turquoise Hill”нөөц ашигласны төлбөртэй холбоотой асуудалд буулт хийж,  боловсруулах болон тээврийн зардлыг хассан орлогоос хоёр хувийг хайлуулах үйлдвэрийн ашиглалтын төлбөр болгон Монголд төлнө
   
•  “Оюу толгой”-н борлуулалтын орлогоос таван хувийг Монголд төлөх ёстой байсныг өөрчилж  ямар нэг зардал суутгалгүйгээр нийт орлогоос таван хувийг тооцон төлнө
   
• Монголын татварын байгууллагаас гаргасан анхны тооцоогоор “Turquoise Hill” компани 127 сая ам.доллар төлөхөөр гарсан ч үүний оронд 30 сая ам.доллар төлөхөөр болж, хоёр тал татварын маргааныг шийдвэрлэжээ.

 “Оюутолгой”-н баялгийн 80 гаруй хувь байгаа гүний уурхайн ажлыг өрнүүлэхэд зургаан тэрбум ам.доллар шаардлагатай. Үүний дийлэнх хувь буюу дөрвөн тэрбум ам.долларын санхүүжилтийн багцыг дэлхийн 10 гаруй банк бүрдүүлээд байгаа хэмээн “Turquoise Hill” компани мэдэгдээд байна.