Жохар Царнаевт цаазаар авах ял оноов
Өнгөрсөн Баасан гаригт АНУ-ын Бостон хотын шүүгч нар Жохар Царнаевт цаазаар авах ял оноов.
Бостоны халдлагын улмаас гурван хүн амь үрэгдэж, 264 хүн шархаджээ.
Шүүх хурал 14 цагийн турш үргэлжилсэн байна. 2013 онд Бостоны марафоны үеэр хорлон сүйтгэх ажиллагаа явуулсан Жохар Царнаевын хэргийг шүүсэн шүүгчид түүнд цаазын ял өгөхийн төлөө санал өгсөн гэж “Ройтерс” мэдээлэв.
Яллагчид шүүх хурлын өмнө Жохар Царнаевт цаазаар авах ял оноохыг хүссэн билээ. Харин Царнаевын өмгөөлөгчид түүнд ялын дээд хэмжээ биш, насаараа хорих ял оноох байх гэж бодож байсан гэв.
2013 оны дөрөвдүгээр сард Жохар Царнаев төрсөн ах Тамерлан Царнаевтай хамтарч Бостон хотод болж байсан марафоны үеэр дэлбэрэлт үйлдсэн билээ. Ах нь баривчилгааны үеэр алагдсан. Ах дүү Царнаев чечень гаралтай, арваад жилийн өмнө Хойд Кавказаас АНУ-д ирж тус улсын иргэншлийг авсан. Бостоны халдлагын улмаас гурван хүн амь үрэгдэж, 264 хүн шархаджээ. Шархадсан хүмүүсийн ихэнх нь тахир дутуу болсон аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
