ХУУЧИРСАН МЭДЭЭ: 2015/05/15-НД НИЙТЛЭГДСЭН
“СТАРТ АП” гэж юуг хэлэх вэ?
IKON.MN
Сүүлийн үед “Старт ап” гэсэн нэр томьёо ихээхэн хэрэглэгдэх болжээ. Ойлголтууд ч зөрүүтэй байгаа нь мэдрэгддэг. Энэ нь яг ямар утга санааг агуулж байгааг Swombat.Com сайтад Дэниел Теннэр олон хүмүүсийн хийсэн тодорхойлолтууд дээр үндэслэн дүгнэжээ.
Түүний нийтлэлээс гол дүгнэлтүүдийг нь хүргэж байна.
- Старт ап гэж ойрын хэдэн жилд (1-5 жил) их хэмжээгээр (5 дахин, 10 дахин…) өсөх амбиц болон төлөвлөгөөтэй бизнесийг хэлнэ.
- Старт ап бол бизнес. Энэ нь ямар нэгэн шинэ санаа, төсөл, мөрөөдөл төдий зүйл биш, мөнгө олдог байх ёстой. Тиймээс старт ап бол бизнес. Гэхдээ хамгийн эрсдэлтэй бизнес.
- Старт ап нь богино хугацаанд их хэмжээгээр өсөх амбицтай төлөвлөгөөтэй байх ба тийм бизнес загварыг нээж хэрэгжүүлэх зорилготой байна. Ингэхдээ тэр технологийн давуу талыг ихэвчлэн ашигладаг. Үүгээрээ тэр жижиг бизнес эрхлэгчдээс ялгарна.
- Амбиц нь цаг хугацаан дээр суурилна. Хэрвээ цаг хугацаанд шахагдахгүй бол энэ нь амбиц биш, зүгээр л мөрөөдөл болно. Тиймээс богино хугацаанд (тав хүртэл жилийн дотор) эрчимтэй өсөх амбицтай байх хэрэгтэй.
- Шинэ залуу компанийг зөвхөн старт ап бизнес гэхгүй. Үүнд нас хамаагүй. Зөвхөн ирэх цөөхөн жилд хэрхэн бизнесийн том өсөлт гаргах тухай бодож төлөвлөж ажиллаж байгаа өнөөдрийн амбицтай компанийг старт ап гэнэ. Жишээ нь Apple бол старт ап компани мөн.
Эндээс “Старт ап”-ыг томьёолбол: САНАА -> АМБИЦ -> ГҮЙЦЭТГЭЛ -> ӨСӨЛТ
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
