ХУУЧИРСАН МЭДЭЭ: 2015/05/12-НД НИЙТЛЭГДСЭН
“Хан ресурс”-ын захирал агсан чихрийн шижин өвчнөөр нас баржээ
Монголын мэдээ
Гэрэл зургийг Б.Бямба-Очир /mpa.mn/
Канадын хөрөнгө оруулалттай “Хан ресурс” компанийн захирал Жеймс Доак өнгөрсөн дөрөвдүгээр сарын 23-нд “Blue sky” зочид буудлын өрөөнд нас барсан байдалтай олдсон билээ.
Тус буудлын 16 давхарын ... тоотод байрлаж байсан Канад улсын иргэн Жеймс Доак Чарльз гэх 60 настай иргэн гаднаа ил харагдах гэмтэл шархгүй нас барсан байна гэсэн дуудлагыг буудлын үйлчлэгч өгснөөр цагдаагийнхан хэргийн газарт очиж, цогцсыг шүүхийн шинжилгээнд явуулсан юм.
Тэгвэл албаны эх сурвалжууд “Цогцост хийсэн шүүх эмнэлгийн анхан шатны дүгнэлтээр гадны ямар нэг нөлөөгүй гэсэн дүгнэлт гарсан. Шүүх Шинжилгээний Үндэсний Хүрээлэнгээс урьдчилсан байдлаар өвчний улмаас нас барсан гэх мэдээллийг өгсөн” хэмээж байсан юм.
Улмаар талийгаачийн шарилыг Канад руу явуулсан бөгөөд Торонто дахь задлан шинжилгээгээр гадны нөлөөгүй, чихрийн шижин өвчнөөр нас барсан гэх дүгнэлт гаргажээ.
