Таван Толгойн хэлэлцээрийг Даваа гарагт батална
Таван Толгой ордын стратегийн хөрөнгө оруулагчтай хийх хэлэлцээр өчигдөр албан ёсоор эхэлсэн билээ. Тэгвэл хэлэлцээр амжилттай болсон бөгөөд ирэх Даваа гарагт Засгийн газар, хөрөнгө оруулагч консерциум албан ёсоор хэлэлцээрт гарын үсэг зурахаар болсон талаар албаны эх сурвалж мэдээллээ.
Засгийн газар болон консерциумын хооронд Хөрөнгө оруулалтын гэрээ, Хамтын ажиллагааны гэрээ, Концессын гэрээ гэсэн гурван том гэрээ байгуулагдана хэмээн Хөрөнгө оруулалтын газрын дарга С.Жавхланбаатар мэдээлж байсан юм.
Хэлэлцээрт гарын үсэг зурсны дараа албан ёсоор дэлгэрэнгүй мэдээлэл өгөх юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
