Бээжин дэх Монголын Консулыг ажлын хариуцлага алдсаны улмаас эргүүлэн татжээ
Гадаад Хэргийн Яамнаас нийт Дипломат төлөөлөгчдийн газарт ээлжит болон ээлжит бус дотоодын аудитын хяналт шалгалт хийдэг. Энэ дагуу ГХЯ-ны Төрийн нарийн бичгийн даргын 2014 оны А/47 тоот тушаалаар томилогдсон Дотоод аудитын ажлын хэсэг өнгөрсөн оны арванхоёрдугаар сарын 4-7-ны өдрүүдэд Бээжин хотноо ажиллажээ.
Уг шалгалтын үеэр Монгол Улсаас БНХАУ-д суугаа ЭСЯ-ны Консулын хэлтсээс санхүүгийн болон бусад зөрчлүүд илэрсэн гэдгийг дээрх ажлын хэсгийн дүгнэлтэд дурджээ.
Энэ нь холбогдох хууль тогтоомж зөрчсөн, ажилдаа хариуцлагагүй хандсан үйлдэл болсон гэж үзэн ЭСЯ-ны Консул болон зарим ажилтныг томилолтын хугацаанаас нь өмнө эргүүлэн дуудахаар шийдвэрлэсэн талаар ГХЯ-наас мэдээллээ.
Консулын газрын дээрх ажилтнуудыг хуулийн байгууллагаас шалгаж гэм буруутай эсэхийг нь тогтоох юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
