Хүүхдийн насанд нь тааруулж давсны хэрэглээг зохицуулдаг
Дэлхийн давсны долоо хоног энэ долоо хоногт тохиож байна. Жил бүрийн Дэлхийн давсны долоо хоногийн үйл ажиллагаа нь хүн амын дундах давсны хор нөлөөний талаарх ойлголтыг нэмэгдүүлэх зорилготой зохион байгуулагддаг билээ.
Энэ жилийн давсны долоо хоногийн уриа нь “Давс ба хүүхэд” юм. Насанд хүрэгчдийн нэгэн адил хүүхэд давсыг их хэрэглэх хандлагатай байна.
Эцэг эх, асран хамгаалагч та хүүхдийнхээ давсны хэрэглээг бууруулах хэрэгтэй.
Давсны их хэрэглээ нь хүний хөгжилд нөлөөлж цусны даралт ихсэх, яс сийрэгжих, гуурсан хоолойн багтраа, ходоодны хавдар, хэт таргалалт, амьсгалын замын өвчин зэрэг хэд хэдэн өвчний урьтал болох эрсдэлийг бий болгодог.
Иймээс эцэг эх, асран хамгаалагч та хүүхдийнхээ давсны хэрэглээг бууруулах хэрэгтэй. Хүүхдийн давсны хэрэглээг бууруулах хамгийн энгийн арга бол бага наснаас нь давсгүй хоол идүүлэх, давсгүй цай уулгах зэрэгт хэвшүүлэхээс гадна хүүхдийн хоолыг бэлтгэхдээ давсны хэмжээг өдөр өдрөөр багасгах нь хамгийн зөв юм.
Австрали улсын Анагаах ухаан, эрүүл мэнд судлалын үндэсний зөвлөл (NHMRC) -өөс давсны хэрэглээний дээд хязгаарыг насны бүлэгт тохируулан хэрэглэх зөвлөмжийг гаргасан байдаг.
Хүүхдийн давсны хоногийн хэрэглээний дээд хязгаар (насны бүлгээр)
|
Насны бүлэг |
NHMRC-зөвлөмж хэмжээ гр/хоног |
|---|---|
|
2-3 нас |
2.5 |
|
4-8 нас |
3.5 |
|
9-13 нас |
5 |
|
14-18 нас |
5.75 |
|
NHMRC- Австрали Улсын Анагаах ухааны, эрүүл мэнд судлалын үндэсний зөвлөл |
|
Эх сурвалж: ЭМСЯ
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
