Согтуугаар тээврийн хэрэгсэл жолоодож яваад осолджээ
Энэ 22-23-нд шилжих шөнийн 01:00 цагийн орчимд Нарны зам дагуу байрлах “Жаст ойл” шатахуун түгээгүүрийн урд замд Т.Приус маркийн автомашины жолооч эмэгтэй С нь согтуугаар тээврийн хэрэгсэл жолоодож яваад замын хашлага давж, гэрлийн төмөр шон мөргөсөн ноцтой зам тээврийн осол гарсан байна.
Ослын улмаас тухайн автомашин дотор хамт зорчиж явсан 30 настай иргэн эрэгтэй Х нь амиа алджээ.
Иймд жолооч та бүхэн согтууруулах ундааны зүйл хэрэглэсэн бол автомашин жолоодохгүй байх, өөрийн болон зорчигчийн хамгаалах бүсийг зүүлгэж хөдөлгөөнд оролцож байхыг анхааруулж байна.
Бид бүгд л замын хөдөлгөөнд оролцогч болдог тиймээс хэн ч таамаглан мэдэх боломжгүй осол аваараас урьдчилан сэргийлэх ганцхан боломж бол та бүхэн замын хөдөлгөөний дүрмийн заалтаа мөрдөх явдал юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
