Саудын Арабын тухай ГАЙХМААР 15 БАРИМТ

Арабын хойгт орших энэхүү Хаант улс нь Ойрх Дорнодын гол хүчирхэг гүрэнд тооцогддог. Шалтгаан нь газрын тосны арвин нөөц.

Тэгвэл энэ орны тухай бид хэр ихийг мэдэх вэ? Business Insider сайтын түүвэрлэсэн 15 гайхмаар баримттай танилцъя.

• Саудын Арабын нийслэл Рияад хот бол тэмээний томоохон зах зээл. Өдөр бүр тэнд 100 тэмээ зарагддаг гэдэг.

 

• Саудын Арабын ажиллах хүчний тоог 8.412 сая гэдэг ч үүний 80 хувь буюу 6 сая нь гадны иргэд байдаг. Тэдний ихэнх нь газрын тосны болон үйлчилгээний салбаруудад ажилладаг.

 

• Саудын Арабын Гауар нэртэй газрын тосны орд нь дэлхий дээрх хамгийн том орд. Түүнд 75 тэрбум баррел нөөц бий гэж тооцоолдог. Энэ нь 4,770,897 ширхэг Олимпийн усан бассейныг дүүргэх нөөц юм.

 

• Саудын Арабын батлан хамгаалах төсөв нь Афганистан улсын ДНБ-ээс гурав дахин их. Энэ үзүүлэлтэрээ тэд АНУ, Хятад, Оросын дараа дөрөвдүгээрт бичигддэг. 2013 онд 67 тэрбумыг зарцуулсан нь өмнөх оноосоо 14 хувь өссөн үзүүлэлт.

 

• Саудын Араб газар нутгийн хэмжээгээр дэлхийд 13-т ордог. Арабын ертөнц дотроо Алжирын дараа хоёрдугаарт жагсдаг. Энэ нь Германы газар нутгаас зургаа дахин том гэсэн үг. Гэхдээ газар нутгийн 95 хувь нь цөл газар юм. Харин тариалан эрхлэх боломжтой газар нь дөнгөж 1.45 хувь.

 

• Саудын Арабчууд дэлхийн хамгийн өндөр барилга болох Kingdom Tower-ыг 2018 онд барьж дуусгах гэнэ. Өндөр нь нэг километр буюу 492 Леброн Жэймсийг давхарлаж зогсоосонтой тэнцэх юм.

 

• Kingdom Tower-ын зардал 1.23 тэрбум долларт хүрэх гэнэ. Энэ нь жүжигчин, дуучин Уилл Смитийн жилийн орлогоос 38.4 дахин их мөнгө юм.

 

• Саудын Араб эмэгтэй хүнийг жолоо барихыг хориглодог дэлхий дээрх цорын ганц орон. Үүнээс гадна эмэгтэйчүүдийн 54.4 хувь нь ажил хөдөлмөр эрхэлдэггүй бол эрчүүдийн хувьд энэ үзүүлэлт 20.8 байдаг.

 

• Саудын Арабт ялын дээд хэмжээг гүйцэтгэхдээ яг дундад зууных шиг шиг сэлмээр толгойг нь цавчдаг. Харин сүүлийн үед сэлэм эзэмшсэн хүн ховордож эхэлснээс энэ аргыг төгсгөл болгож магадгүй болоод байна.

 

• Саудын Арабын хүн амын дөрөвний нэгээс илүү нь 14 хүртэл насны, бараг хагас орчим нь 24 хүртэл насны иргэд байдаг.

 

• Саудын Арабын ДНБ-ий 45 хувь газрын тосны салбараас бүрддэг. Энэ нь 335 орчим тэрбум долларт хүрч ДНБ-ийг нь Ирак, Морокко, Руанда, Тонга улсуудын ДНБ-ийг нийлүүлснээс илүү гардаг.

 

• Саудын Арабын эрүүл мэндийн төсөв нь ДНБ-ийхээ 3.7 хувьтай тэнцдэг нь Африкийн Сиерра Леон улсын ДНБ-ээс 4.5 дахин их.

 

• Саудын Араб нь газар нутгийн хувьд Бангладеш улсаас 14.5 дахин том ч хүн амаар зургаа дахин бага. Бангладешын хүн ам 166 сая орчим бол Саудын Арабынх 27 сая.

 

• Саудын Араб эдийн засгаа төрөлжүүлэн хөгжүүлэх бодлогын хүрээнд зургаан том хот байгуулахаар төлөвлөж байна. Тэдгээр нь 1.3 сая ажлын байр гаргаж улсын ДНБ-ийг 150 тэрбум доллараар нэмэгдүүлнэ гэж тооцож байна.

 

• Жил бүр Саудын Арабын Мекка хотод Хаж мөргөл үйлдэхээр гадаадаас муслимууд олноор зочилдог.  2012 оны Хаж мөргөлд 3.16 сая муслим оролцсоноос 1.7 сая нь Саудын Арабын гадна талаас ирцгээжээ.