“Toyota” компани 1.75 сая автомашинаа эргүүлэн татна

Япон улсын автомашин үйлдвэрлэгч томоохон компани “Toyota” 1.75 сая автомашинаа тоормозны систем, түлшний дам­жуу­лах эд ангид эвдрэл гар­сан тул улс орнуудаас эгүүлэн татахаар болсон аж.

2007 оны зургаадугаар сараас 2012 оны хооронд үйлдвэр­лэгдсэн “Crown Majesta”, “Noah”, “Voxy” загварын ма­шинуу­дын тоормозны системд эвдрэл гарсан байна.

“Toyota” ком­па­нийн төлөөлөгчид ВВС агент­лагийн сэтгүүлчдэд хэ­лэхдээ автомашинуудын эвдрэлээс үүдэн аваар осол гарсан, хүн гэмтэж бэрт­сэн болон амиа алдсан тохиолдол байхгүй гэжээ. Буцаан татсан машинуудын тоормозны шингэн гоожиж байгаа эвдрэлийг засах бол шингэн нь бүр дуус­сан тоормозны хүчлүүрийг солих гэнэ.

Түүнчлэн 2005 оны нэг­дүгээр сараас 2010 оны есдүгээр сард үйлд­вэр­лэгдсэн “Lexus” маркийн автомашинуудын түлш дамжуулах хоолойд гарсан эвдрэлийн улмаас эгүүлэн татах аж.

Эх сурвалж: /ВВС/