Лүн суманд хорио цээрийн дэглэм тогтоогоод байна
Дорнод аймгийн Хэрлэн сумын нэгдүгээр багийн “Бунханы-Өгөөмөр”-ийн нэгдүгээр гудамжны есөн тоотод оршин суугч 44 настай, эмэгтэй Б өнгөрөгч есдүгээр сарын 28-ны өдөр халдварт өвчний шинж тэмдэгтэйгээр аймгийн Нэгдсэн эмнэлэгт хэвтэн эмчлүүлж байгаа билээ.
Зооноз өвчин судлалын үндэсний төвийн лабораторийн шинжилгээний хариугаар түүнийг боом өвчнөөр өвчилсөн болох нь тогтоогдсон тул сумын Засаг даргын захирамжаар хязгаарлалтын дэглэм тогтоосон бөгөөд өвчтөний биеийн байдал сайжирч байгаа аж.
Мөн Төв аймгийн Лүн сумын хоёрдугаар багийн нутаг “Хөшгийн- Өвөр” гэдэг газар 13 үхэр халдварт өвчний шинж тэмдэгтэй өвчилсөн байна.
Дээрх малыг устгаж, дээж авч аймгийн Мал эмнэлэг, ариун цэврийн лабораторид шинжлүүлэхэд “Үхрийн хорт салст халуурал” өвчин болох нь батлагджээ. Иймд сумын Засаг даргын захирамжаар долоо хоногийн хугацаатай хорио цээрийн дэглэмийг тогтоогоод байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
