2021/09/25
Америк доллар
МОНГОЛ БАНК:
2,848.64₮
B30
УЛААНБААТАР
17°
|
10°
B30
УЛААНБААТАР
|
B30
УЛААНБААТАР
17°
|
15:00
S40
14°
16:00
S40
13°
17:00
S40
13°
18:00
S40
12°
19:00
S40
11°
20:00
S40
21:00
S40
22:00
S26
23:00
S26
00:00
S26
01:00
S26
02:00
S26
Энэ мэдээ хуучирсан буюу 2014/10/09 -нд нийтлэгдсэн мэдээ болно.

Б.Ганболд: Би больж болно. Надад тийм эр зориг байна

Ч.Болортуяа
2014 оны 10 сарын 9
iKon.MN
Зураг

Монголын Хөлбөмбөгийн холбооны Ерөнхийлөгч Б.Ганболд МҮОНРТ-д цаг үеийн асуудлаар ярилцлага өгсөн юм. 

Сэтгүүлч, редактор Б.Оюунчимэг хөтлөн явуулдаг "Цаг үе үзэл бодол" ярилцлагын үеэр Б.Ганболдын ярьсан онцлох 62 эшлэлийг хүргэж байна. 

  1. "Би Монголын Хөлбөмбөгийн холбоог сүүлийн 15 жил удирдаж байгаа хүн. 10 гаруй жил ЕНБД-аар ажиллаж байсан. 2010 онд албан ёсоор Ерөнхийлөгч нь болсон"
     
  2. "Сүүлийн 10 гаруй жил ажиллаж байхдаа байгууллага, хувь хүн рүү хандсан энэ их гүтгэлэг, доромжлолыг тэвчээртэй хүлээж байсан юм"
     
  3. "Өнөөдөр би бодит хариулт өгье гэж бодлоо"
     
  4. "Хөлбөмбөгийн холбоо гэж байгууллага 1997 онд шинэчлэгдэн байгуулагдсан"
     
  5. "Т.Ганболд гэж хувь хүний хувьд би 120 мянгатад хөлбөмбөг тоглож өссөн жирийн нэг хөлбөмбөгчин"
     
  6. "Бага нас, идэр насандаа тохиолдож байсан зүйл одоо энэ үеийн залууст битгий тохиолдоосой гэж энэ гал дундуур яваад байгаа юм"
     
  7. "Хүүхэд байхад гутал нь олддоггүй байлаа. Талбай олддоггүй байлаа. Тэмцээн уралдаан жилдээ ганцхан удаа болдог байсан"
     
  8. "1997 онд үнэндээ Хөлбөмбөгийн холбоо гэж нэр байснаас нэг ширхэг цаас, нэг ширхэг үзэг байгаагүй. Юун ордон, юун талбай"
     
  9. "Өнөөдөр харин юу болсон бэ. Хийсэн ажил тодорхой хэмжээнд хүмүүст хүрсэн юм шиг байгаа юм"
     
  10. "Ганцхан Ганболд биш манай хамт олон уйгагүй хөдөлмөрлөсөний дүнд өнөөдөр бид жаахан ч гэсэн юмтай болоод авлаа шүү дээ"
     
  11. "Энэ нэвтрүүлэгт орж байгаагийнхаа хувьд өөрийгөө жаахан онцолчихдог юм уу гэж бодсон юм"
     
  12. "Жирийн нэгэн хөлбөмбөгчин байсан хүүхэд  Ганболд гэж хувь хүний хэмжүүрээр би өнөөдөр оргилдоо ирчихсэн юм аа"
     
  13. "Оргилдоо ирчихсэн гэхээр уулын орой дээр гарчихсан гэж битгий бодоорой"
     
  14. "Би дарга болно гэж хэзээ ч мөрөөдөж байгаагүй"
     
  15. "Ажил, амьдралын туршлага суугаад зөв хөдлөөд явбал ийм хэмжээний амжилтанд хүрдэг юм байна"
     
  16. "Би нэг удаа өөрөөрөө бахархмаар байна"
     
  17. "Би энэ олон жилийн туршид ийм байдалтай ярилцлага өгч үзээгүй. Дандаа өөдрөг сэтгэлээр өгдөг байсан"
     
  18. "Энэ спортын байгууллагыг спортоор нь байлгаад өг л дөө"
     
  19. "2014 оны нэгдүгээр сараас эхлээд ээлжит их хурлаа зарласан. Юу хэлэх гээд байна вэ гэхээр энэ байгууллагыг залуу боловсон хүчинд хүлээлгэж өгье гэж бодсон"
     
  20. "Залгамж халаагаа хоёр жил бэлдлээ. Ийм л сэтгэл өвөрлөж явсан хүн би"
     
  21. "Есдүгээр сарын 24-нд Хөлбөмбөгийн холбооны Ерөнхийлөгчид олон хүн нэр дэвшихээр ирсэн. Нарийн бичгийн дарга маань баяртай хүлээж аваад амжилт хүсээд, шударгаар өрсөлдөхийг л хүссэн"
     
  22. "Гэтэл маргаашнаас нь интернэтээр, фэйсбүүкээр дайрч эхэлсэн"
     
  23. "Бухимдахгүй байхын арга алга байна"
     
  24. "Монгол хүн Монгол хүнээ хайрладаг,  хүндэлдэг байх ёстой"
     
  25. "Монгол оронд болж байгаа зүйл Монголдоо л байг л дээ"
     
  26. "Тодотгон хэлэхэд Английн нэг золбин сэтгүүлч Монголын Хөлбөмбөгийн холбооны түүхэн кино хийнэ гэж ирсэн"
     
  27. "Бид баяртай хүлээж аваад бүх үүх түүхээ ярьсан. Гэтэл нэг ч зөв талаас нь гаргаагүй"
     
  28. "Одоо нэр дэвшээд байгаа хүмүүсийн PR-ыг хийгээд түүнийгээ ичихгүй фэйсбүүк дээрээ тавьсан байсан"
     
  29. "Б.Ганболд гэж хүний нэр хүндийг гадаадад унагах гэж энэ нөхдүүдийн хийж байгаа арга гэж би харж байгаа"
     
  30. "Энэ асуудлыг би Спортын арбитрийн шүүхэд өгөх гэж байгаа"
     
  31. "Бид нэр төрөө сэргээлгэнэ"
     
  32. "Өмнөх гурван удаагийн сонгуульд хэн ч нэрээ дэвшүүлээгүй"
     
  33. "Энэ удаагийн их хурал их онцлогтой. Зургаан хүн нэр дэвшсэн"
     
  34. "Ний нуугүй хэлэхэд би хийсэн бүтээсэн, хэлэх үгтэй хүн. Одоо больё, хүлээлгээд өгчихье гэсэн"
     
  35. "Гэтэл нөгөө нэр дэвшигч нар маань яах ийхийн зуургүй маргаашнаас нь дайраад эхэлдэг юм байна"
     
  36. "Би бас хүн шүү дээ"
     
  37. "Монголд спорт маш зөв зам руугаа орж байна"
     
  38. "Спортын бодлого өөрөө зөв байхаар аяндаа спорт хөгждөг" 
     
  39. "Инчеоны наадамд ямар сайхан амжилт хийв. Багийн спортууд алхам алхмаар хөгжиж байна"
     
  40. "Хөлбөмбөг хөгжихийн тулд асар их материаллаг бааз, хүн хүч хэрэгтэй"
     
  41. "Түүнээс нэг тэмцээн зохиогоод шагначихаар болчихно гэсэн үг биш"
     
  42. "2013, 2014 онд холбоо ямар их ажил хийв ээ. Тэр цэнгэлдэх хүрээлэнгээ дүүргэж ямар их баярлаж, ямар их хүнд хүрэв ээ"
     
  43. "Хөлбөмбөгийн холбоонд FIFA-аас мөнгө өгөөд цэнгэлдэх бариулсан чинь Б.Ганболд идчихлээ гэх юм"
     
  44. "Уучлаарай тэр FIFA манайд мөнгө өгөөд зүгээр хараад суудаг газар биш шүү дээ"
     
  45. "Хоёр жил тутамд Дэлхийн Хөлбөмбөгийн холбоо өөрөө аудит хийдэг. Бид нар дотооддоо аудит хийлгэдэг"
     
  46. "Одоо болох дөрөвдүгээр хурлаар энэ бүтэхгүй, болохгүй байгаа гэсэн асуудалд цэг тавих болно. Бүгдийг ярина"
     
  47. "Би өндөг шиг өөгүй хүн биш"
     
  48. "2013 оны шалгалтаар санхүүгийн ганц нэг зөрчил гарсан. Гэхдээ энэ мөнгийг хамгийн гол нь би халаас руугаа хийгээгүй"
     
  49. "Олон жил дайрч доромжиллоо. Энэ хурлаар дүнгээ тавиулъя аа гэж бодож байна"
     
  50. "Би нэг сарын хугацаанд холбооны ямар нэгэн ажилд оролцохоос түдгэлзсэн. Яагаад гэхээр бусад нэр дэвшигчиддээ бололцоо олгох үүднээс"
     
  51. "Би Ерөнхийлөгчийнхөө хувьд арваннэгдүгээр сард их хурал дээрээ тайлангаа тавих болно"
     
  52. "Дахиад хэлье. Спортыг спортоор нь л үлдээе"
     
  53. "Энэ бүх гүтгэлэг, доромжлол надаар дуусаасай"
     
  54. "Дэлхийн Хөлбөмбөгийн холбоо жилдээ 250 мянган ам.доллар өгдөг. Үүнийг 209 орон авдаг"
     
  55. "Миний ажилласан олон жилийн энэ хөдөлмөрийг дэлхийн хөлбөмбөгийн холбоо олж харсан юм шиг байна лээ"
     
  56. "FIFA өөрөө 20 орчим хороотой. Би хөгжлийн хороонд ажилладаг, шийдвэр гаргадаг"
     
  57. "Ганболд муу гээд байгаа бол, Ганболд гай гээд байгаа би больж болно. Надад тийм эр зориг байна"
     
  58. "Ганцхан залгамж халаа буюу энэ байгууллагыг зөв хүнд нь өгөх юмсан гэдэг дээр л би бодож байна"
     
  59. "Түүнээс энэ хийсэн бүтээсэн зүйлээ би нөгөө гэр лүүгээ явахдаа аваад явахгүй биз дээ"
     
  60. "Миний хувьд бага ярьж их юм бүтээхийг л зорьсон.
     
  61. "Өөрийнхөө хийсэн бүтээснийг олон нийтэд танилцуулах, сурталчлах тал дээр хойрго тал надад бий"
     
  62. "Монголын Хөлбөмбөгийн холбоо 2012 -2022 оны хөгжлийн хөтөлбөрийг бий болгосон. Энэ л бидний харах ном. Б.Ганболд гэж хүн байсан, байгаагүй FIFA манай холбоонд 1,6 жил ирж ажиллаж хэтийн бодлогыг маань хамтарч гаргасан. Үүнийг л хийх ёстой"

 

 

 

 

x