"Эрүүл мэндийн технологи, эм-эмнэлгийн тоног төхөөрөмж-2014" үзэсгэлэн болно

Эрүүл мэндийн яам, Монголын эмнэлгийн инженерчлэлийн нийгэмлэг, “Мишээл групп” ХХК-тай хамтран "Эрүүл мэндийн технологи, эм-эмнэлгийн тоног төхөөрөмж-2014" үзэсгэлэн болон “Эмнэлгийн тоног төхөөрөмжийн инженерүүдийн хоёрдугаар чуулган”-ыг энэ сарын 26-28-ний өдрүүдэд зохион байгуулах гэж байна. 

Үзэсгэлэнгийн өдрүүдэд 

• Монгол Улсад шинээр нэвтэрсэн болон нэвтэрч буй эмнэлгийн тусламж, үйлчилгээний оношилгоо 
• Эмчилгээний дэвшилтэт техник, технологийн талаар олон нийтэд танилцуулан сурталчлах
• Техник, тоног төхөөрөмж, эм эмнэлгийн хэрэгсэл, бараа бүтээгдэхүүнийг ханган нийлүүлэлт, тусламж үйлчилгээг брэнджүүлэх 
• Төр, хувийн хэвшил, олон улсын байгууллагуудын хамтын ажиллагааг өргөжүүлэх, харилцан туршлага солилцох
• Өөрсдийн нэвтрүүлж буй шинэ техник, технологи, төсөл хөтөлбөрүүдээ танилцуулах, харилцагчийг татах нөхцөл бололцоог бүрдэх ажээ. 

Харин чуулганаар 

• Эмнэлгийн тоног төхөөрөмж, тэдгээрийн ашиглалт, засвар үйлчилгээ, хяналт тохиргоо 
• Эрүүл мэндийн мэдээллийн технологи, тухайн мэргэжилтэн бэлтгэх сургалтын хөтөлбөрийн төлөв байдал 
• Хөтөлбөрийн шинэчлэлтийн эрэлт хэрэгцээ, сургууль ба ажил олгогч нарын хамтын ажиллагаа, түүнийг тойрсон асуудлууд, хэтийн хөгжлийн чиг хандлагын талаар хэлэлцэх юм байна. 

Иймд төр, хувийн хэвшлийн байгууллагуудын хамтын ажиллагааг өргөжүүлэх, харилцан туршлага солилцох, өөрсдийн нэвтрүүлж буй шинэ техник, технологи, төсөл хөтөлбөрүүдээ танилцуулах хүсэлтэй иргэд аж ахуй нэгжийг, идэвхтэй оролцохыг Эрүүл мэндийн яамнаас уриаллаа.