Уншиж байна ...
ХУУЧИРСАН МЭДЭЭ: 2014/09/02-НД НИЙТЛЭГДСЭН

Тээврийн хэрэгслийн болон явган зорчигчийн хөдөлгөөнд хязгаарлалт хийнэ

Х.Алтанзагас, iKon.mn
2014 оны 9 сарын 2
iKon.MN
Зураг зураг

- Цагдаагийн алба хаагчид маргааш өндөржүүлсэн бэлэн байдлын зэрэгт шилжин ажиллана -

Монгол Улсын Ерөнхийлөгч Цахиагийн Элбэгдоржийн урилгаар Оросын Холбооны Улсын Ерөнхийлөгч Владимир Владимирович Путин Халхын голын байлдааны ялалтын 75 жилийн ойг тохиолдуулан маргааш Монгол Улсад ажлын айлчлал хийх гэж байна. 

Энэ үеэр цагдаагийн алба хаагчид өндөржүүлсэн бэлэн байдлын зэрэгт шилжиж

  • Хан-Уул
     
  • Сүхбаатар
     
  • Баянзүрх
     
  • Төрийн ордон
     
  • Чингисийн талбай орчмын нутаг дэвсгэрт тодорхой цагуудад тээврийн хэрэгслийн болон явган зорчигчийн хөдөлгөөнд хязгаарлалт хийнэ. 

 

Энэ ажлыг иргэд, олон нийтэд аль болох ачаалал, хүндрэл үүсгэхгүй байх талаас нь зохион байгуулалтын түвшинд ажиллаж байна. 

Иймээс иргэд та бүхэн цагдаагийн алба хаагчийн тавьсан хууль ёсны шаардлагыг биелүүлж замын хөдөлгөөнд соёлтой оролцохыг цагдаагийн байгууллагаас хүсэж байна.

Мөн хамгаалалт хийгдэх нутаг дэвсгэр, цагуудын талаарх мэдээллийг тухайн үед нь Цагдаагийн ерөнхий газрын албан ёсны цахим сайт болох www.police.gov.mn, цахим хуудас www.facebook.com/policemng хаягууд болон бусад мэдээллийн сайтуудаар түгээх юм.

Харин эрхэм жолооч та “Авто радио 96,3” фм дээр долгионоо тааруулан тухайн өдрийн ачаалалтай зам, цагийн талаархи мэдээллийг тогтмол хүлээн авах боломжтой.