Украйны армид зэвсэг илгээх хэрэгтэй гэв
АНУ-ын сенатчид Ерөнхийлөгч Б.Обамаг Украйны засаг захиргаанд зэвсэг илгээхийг уриалсан талаар ВВС мэдээллээ.
Сенатын олон улсын харилцаа эрхэлсэн хорооны тэргүүн Роберт Менендес “Украйны арми Оросын талыг баримтлагч хэт даврагчидтай тулалдахад зэвсэг хэрэгтэй байгаа. ОХУ-ын Ерөнхийлөгч В.Путин “түрэмгийллийнхээ” хариуг амсах ёстой” гэж хэлсэн байна.
Тэрбээр CNN агентлагт өгсөн ярилцлагадаа “Украйны зүүн өмнөд хотуудад үймээн самуун гаргаж буй салан тусгаарлагчид биш Оросын цөмрөн орсон явдал гэж ойлгохоор байна” хэмээжээ.
Түүнчлэн сенатч Жон Маккейн “Энэ уриалга нь Орос Украйнд “цөмрөн орсонтой” холбоотойгоос бус Украйны хэрэгт “хөндлөнгөөс оролцож байна” гэсэн үг биш.
Урьд нь Улсын аюулаас хамгаалах хорооны хурандаа байсан В.Путин одоо Оросын хаант улсыг сэргээхийг хүсч байна. Зэр зэвсэг шаардлагатай байгаа украйнчуудад зэвсэг илгээж, тулалдах боломж бий болгооч” гэсэн аж.
Дашрамд дурьдахад ОХУ-ын Ерөнхийлөгч В.Путин Украйны зүүн өмнөд нутгийн хямралыг шийдвэрлэхийг өмнө нь уриалж байсан юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
