Ерөнхийлөгчийн сургаальтай хичээлийн шинэ жил

Монгол орон даяар хичээлийн шинэ жилийн нээлт болж газар сайгүй дүрэмт хувцсаар ижилсэн, номтой цүнхээ үүрсэн хүүхэд багачууд, оюутан залуусын цовоо дуу цууриатаж байгаа. 

Өнөө жилийн хувьд үндэс­ний хэмжээнд бага бо­ловсролын шинэчилсэн хөтөлбөрөөр хичээллэж эхэл­нэ. Жил бүрийн есдүгээр сарын 1-нд Монгол Улсын Ерөнхийлөгч Цахиа­гийн Элбэгдорж Монголын Үндэс­ний олон нийтийн телевиз, радиогоор теле хи­чээл заадаг уламжлалтай. 

Өнгөрсөн жи­лүүдэд “Дэлхийн ду­лаарал ба Монгол”, “Мон­голын ба­хархал”, “Мон­голын сай­хан орноор”, “Хүн болох багаасаа” зэрэг сэдвээр хи­чээл зааж, хүүхэд бага­чууд, сурагч­дад эх орныхоо өв их уламжлал, түүх соёлоо дээдэл­сэн, байгаль дэлхийгээ хайр­ласан зөв сайн хүн болон хүмүүжих тухай өөрийн бодлоо хуваалцаж байсан Ц.Элбэгдорж Ерөнхийлөгч 2014-2015 оны хичээлийн шинэ жилийн нээлтээр “Иргэний боловсрол-ёс сур­тахуун” сэдвээр хичээл заах аж. 

Монгол Улсын Ерөн­­хийлөгчийн заах хичээлийн сэдэв нь бага боловсролын шинэчилсэн хөтөлбөртэй уялдаж бага боловсролын шинэчилсэн хөтөл­бөрийн гол цөм болсон хүүхэд бүрийг дэмжсэн, хүүхэд бүрийн оролцоог хангасан, тэдэнд мэддэг зүйлээр нь дамжуулан хэрхэн чадвар суулгаж болгодгийг но­толсон хичээл болно.

Боловсролын шинэч­лэлийн эхлэл болж бага ангийн сурагчид шинэ­чил­сэн хөтөлбөрөөр сурал­цах хичээлийн шинэ жи­лийн нээлтийг Монгол Улсын Ерөнхийлөгч ямар сюрпризээр эхлүүлэх бол.