Сагсан бөмбөгийн ДАШТ эхний тоглолтууд явагдлаа
Сагсан бөмбөгийн 2014 оны ДАШТ Испани улсад өнөөдөр эхэллээ.
Дэлхийн 213 орноос шигшэгдсэн 24 баг 4 хэсэгт хуваагдан өрсөлдөж байгаа бөгөөд өнөөдөр 4 хэсгийн нийт 12 тоглолт явагдахаас одоогийн байдлаар эхний 3 тоглолт явагдаж дуусаад байна.
АНУ-ын иргэн, NBA Брүүклин Нэтс багийн хүчний довтлогч, төвийн тоглогчийн байрлалд тоглолдог Андре Блатчийг багтаа нэгтгэсэн Азийн төлөөл Филиппиний шигшээ баг европийн шилдгүүдийн нэг Хорватын шигшээг хожих шахлаа.
Андре Блатч тоглолтын шилдэг нь байж оноо авалт болон самбараас бөмбөг авалтаар бүх тоглогчдыг тэргүүллээ.
Оноо авалт: 28
Самбараас бөмбөг авалт: 12
Бөмбөг таслалт: 1
Оновчтой дамжуулалт: 0
Хаалт: 0
Харин өнөөдрийн оргил тоглолт Франц-Бразил улсуудын хооронд шөнийн 00 цагт болох гэж байна.
Сагсан бөмбөг сонирхогч та бүхэн ДАШТ -ийн турш ikon.mn сайтын ИСПАНИ 2014 хуудастай хамт байж өдөр тутмын тоглолтын хуваарь болон тоглолтын үр дүнгийн талаарх мэдээллийг авч байхыг урьж байна.
Бид хэсгийн тоглолтууд дууссаны дараа Сагсан Бөмбөгийн ДАШТ-ний ТААМАГЛАЛ хуудсыг Монголын интернэт хэрэглэгчдэд танилцуулах болно.
ТААМАГЛАЛ хуудсаар дамжуулан та хувийн ТААМАГЛАЛАА дэвшүүлж олон нийтийн сүлжээгээр найзуудтайгаа хуваалцах боломжтой болно.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
