Н.Оюунсувд: Хүнсний ногооны үнэ тогтвортой байна

Намрын ургац хураалт эхэлж байгаатай холбоотойгоор ҮХААЯ-ны ахлах мэргэжилтэн Н.Оюунсувдаас зарим зүйлийг тодруулаа.

-Хүнсний ногооны тариалалт өсч байгаа ч үнэд төдийлөн өөрчлөлт алга гэдгийг хүмүүс хэлж байна?

-Сүүлийн жилүүдэд хүнсний ногооны тариалалт өсч байгаа. Тэр хэрээр үнэд нөлөөлдөг гэдгийг хэлмээр байна. Эртийн ургацаас эхлэн ургац хураалт хүртэл хөдөө орон нутгаас нийслэл рүү ногоо орж ирэхээр үнэ буурдаг. Ургац гарч эхэлж байх үед үнэ бага зэрэг өсөлттэй байсан. Ялангуяа нарийн ногооны үнэ өндөр байсан.

-Өнгөрсөн хоёр сарын хугацаанд ногооны үнэ өмнөх жилийнхээс өндөр байсан шүү дээ. Харин цаашид үнэ өсөхгүй байх боломж бий юу?

-Есөн нэр төрлийн ногооны үнэ сүүлийн 3-4 жил харьцангуй тогтвортой байгаа. Тухайлбал, шар лууван, манжин, хүрэн манжин, гоньд. Харин импортоор орж ирж байгаа нарийн ногооны үнэ өндөр байгаа.

Гэхдээ өнгөрсөн жилүүдтэй харьцуулахад буурсан үзүүлэлттэй. Яагаад гэвэл нарийн ногоог хүлэмжинд тарьж эхэлсэн. Өөрсдийнхөө боломжийн хэрээр тариалж байгаа нь импортын ногооны үнийн өсөлтийг сааруулж байна.

-Намрын ногоон өдрүүдээс өмнө нийслэлд хүнсний ногоо худалдаалах үзэсгэлэн худалдаа зохион байгуулах уу?

-Нийслэлийн зургаан дүүрэгт төмс хүнсний ногоо, жимс жимсгэнэ борлуулах цэгийг өнгөрсөн баасан гаригаас ажиллуулж эхэлсэн. Но­гоочдоо бүлгийн зо­хион байгуулалтаар ажил­луу­лахаар төлөвлөсөн. Учир нь бүх хүнийг нэг зэрэг зогсоох боломжгүй. Тиймээс хоорондоо зохицон ээлжээр эзэмшихээр зохион байгууллаа.

Мөн ирэх сарын 21-22 өдрүүдэд Чингисийн талбайд намрын ногоон өдрүүд үзэсгэлэнг зохион байгуулахаар ажиллаж байна.

Хүнсний бүтээгдэхүүний үнэ ханш: