“Алтаргана” наадам өнөөдөр эхэлнэ
Дэнж хотойтол нааддаг дэлгэр Монголын их цэнгэл наадмын өдрүүд үргэлжилсээр байна. Их Монгол Улс байгуулагдсаны 808, Ардын хувьсгалын 93 жилийн ой, Үндэсний их баяр наадын үеэр зарим аймгийн тэгш ой тохиож байгаа билээ.
Эдгээр өдрүүдэд хэнтийчүүд мөн баяр наадам, түүхт ойгоо тэмдэглэн өнгөрүүлж байна. Тухайлбал, Хэнтий аймгийн Галшар сумын 90 жилийн ой энэ сарын 19-21-нд болох юм байна.
Түүнчлэн Мөрөн суманд энэ сарын 25, 26-ны өдрүүдэд “Түмэн адууны баяр” болох ажээ.
Харин өнөөдөр Дадал суманд "Алтаргана" их наадам зохион байгуулагдах юм. Дашрамд дурьдахад, “Алтаргана” наадам хоёр өдөр үргэлжлэх юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
