Хятадтай байгуулсан гэрээг сунгажээ
Монголбанкнаас гадаад худалдааны томоохон түнш орнууд болох Солонгос, Оросын төв банкуудад хандан своп хэлцэл байгуулах тухай хүсэлтээ илэрхийлсэн.
Солонгос судалж байгаа бол Орос ирэх есдүгээр сард зохион байгуулагдах Монгол, Оросын Засгийн газар хоорондын комиссын хуралдаанаар хэлэлцэхээр хүлээгдэж байгаа аж.
Харин Хятадын Ардын банк хооронд “Үндэсний мөнгөн тэмдэгт солилцох своп хэлцлийн гэрээ”-г гурван жилээр сунгажээ. Үүний үр дүнд хоёр орны худалдаа, хөрөнгө оруулалт, гадаад худалдаа нэг валютаас шууд хамаардаг байдал буурсан байна.
Своп хэлцлийн хугацааг сунгаснаар валютын дотоодын захад тогтворгүй байдал үүссэн тохиолдолд юанийг Монголбанк түргэн шуурхай бүрдүүлэх замаар санхүүгийн тогтвортой байдлыг хангахад дэмжлэг үзүүлэх ач холбогдолтой юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
