ММС Хятадад хамтарсан компани байгуулав
Mongolian Mining Corporation өөрийн охин компани Mongolian Coal Corporation Limited болон Хятадын Risun Mining компанитай гурван талт хамтарсан гэрээ байгуулжээ.
TAEA буюу Тяньжиний эдийн засгийн чөлөөт бүстэй адил статус бүхий эдийн засгийн чөлөөт бүсэд Tianjin Zhengcheng Import and Export Trade компанийг байгуулсан байна. Уг компанийн 51%-ийг Mongolian Coal Corporation Limited, 49%-ийг Risun Mining компани эзэмших аж.
Хоёр жилийн хугацаанд 14 сая юанийн хөрөнгө оруулалтыг Tianjin Zhengcheng Import and ExportTrade компанид хийх бөгөөд уг компани MMC-ийн нүүрсний бүтээгдэхүүний тээвэрлэлт, борлуулалтыг хийх юм байна.
Уг компанийг байгуулснаар Хятадын Шандон, Хэйбэй аймгийн коксжих нүүрсний хэрэглэгчдэд ММС-ийн нүүрсийг хүргэх шинэ зах зээл нээж байгаа аж.
Risun Mining компани нь Хятадын кокс, нүүрсний бүтээгдэхүүн, химийн бүтээгдэхүүний хувийн хэвшлийн хамгийн том үйлдвэрлэгч, ханган нийлүүлэгч Risun Group-ийн гишүүн компани юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
