Рональдо тактикаа толгойдоо сийлсэн байжээ
Өнөө өглөө Хөлбөмбөгийн Дэлхийн аваргын G хэсгийн нэг чухал тоглолт болж өнгөрлөө. Португал болон АНУ-ын шигшээ багуудын тоглолт 2:2 харьцаатайгаар тэнцсэн юм.
Хожигдож явсан Португалчууд тэнцээний бөмбөгийг нэмэлт цагт амжиж хийсэн билээ. Португалийн супер од Кристиан Рональдогийн баруун жигүүрээс өгсөн гайхалтай оновчтой дамжуулалтыг төвөөс Варела чулуу болгосныг бид бүгд дэлгэцээр харсан.
Тэгвэл хөлбөмбөг сонирхогчид энэ тактикийг Рональдо урьдчилан зөгнөж толгойдоо сийлүүлсэн байжээ хэмээн шуугиж байна.
Учир нь тоглолт болгоны өмнө үсээ засуулдаг дүрэмтэй супер од маань үнэхээр энэ довтолгооны зураг гэмээр дүрсийг толгойдоо дүрсэлсэн байжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
